eK! is electronic Kabalen, a web-exclusive Kapampangan journal of ideas

cecile s. yumul
cecile s yumul Thy Kingdoom's Come 3

Kamuti (Camote). Maski makananu me sabian e manaliua ing babie ng sustansiya. Talbusan me o itang laman na daragul lalam gabun.

That the whole world may understand and appreciate our Camotehan, let me quote from HEALTH News:

"A cheap and practical way to eat healthy Camote (especially yellow or red) and Ube. These powerhouse foods contain higher amounts of beta-carotene and Vitamin C than carrots, more protein than wheat and rice, and more fiber than oat bran. Most importantly, they are a rich source of DHEA, the precursor hormone—a substance that remains latent until it converts into a hormone that the body needs. DHEA can become estrogen, progesterone or testosterone, all essential for your body's anti-aging defenses to work. These foods also prevent and cure UTI, hyperacidity, etc. Eat them raw, boiled, baked, barbequed, sweetened in caramelized brown sugar and topped with gatas damulag or use them in your adobo, nilaga, menudo, torta , etc."

Ania pala, masakit man paniualan, detang bodegerung makatuknang malapit-lapit, akit mu ing aldoldo kakanan da, anti na nitang inistoria ku kang Pedrung magkamuti, ila pala ing ustu kakanan. Lawen mu pin naman ing bie ne. Uli na ning kakaluluan, ing diet da alus adoldo, talbus kamuti, nung alang panyaling abias, kamuti ing kakanan da uling mura mu ing tumpuk. Ustu naman merienda, daralan ya tang maggaritun: kamuti chips, barbeque kamuti on sticks, o kaya ligang kamuti. Ela mamanaun, atin mung atin kamuti. Babie ya babo uli na ning tulud; babie ya pang lalung masustansiya, karing laman na king lalam gabun. Oyni pa, tuglungan taya ing sasabian da ring expert.

"Camote are excellent food for diabetics, they regulate blood sugar; because they are complex carbohydrates they give us a steady, longer lasting supply of energy. They are also good for calming the nerves and improving mood. They are also a good source of Vitamin B complex."

Ing makalungkut mu pin, e mu ing tamnanan pale, atbu, mais, nune pati kamuting gapang, pati na kamuting dutung (cassava) diritak nang diritak. Kuntoru parakal la ring taung mangailangan masustansia at murang pamangan, ing pamangailangan dang bale iya mismu ing maging dalan mauala ing tamnanan.

Kangkung (Water Spinach). Bulanglang, sinigang, e maniaman nung e me buluganan kangkung. Maski nukarin tutubu ya, lalu na kareng sapa, at nukarin atin pidadalanan danum. E mu kabud pamulug sabo, nune pati na king sikat a Cabalen apag da ne as appetizer, stir fried and coated in cornstarch with a tangy garlic dip. Erase, erase, ngana pin, ing paglalawe na pamangan yang pakakalulu ing kangkung uli na ning pati Chowking, itang karelang steamed kangkong with their special bagoong is also a bestseller.

As AgriPinoy.Net puts it:

"Whether it is from the pond or from the garden, kangkong is a commonly used food plant in Asia. Folkloric data indicate that the plant is a general tonic for neuralgia and other nervous diseases and can be used as poultice for skin ulcers. We enjoy this vegetable in our 'sinigang' or just stir fried with garlic and tofu. As with any other vegetable that we consume, kangkong should be washed thoroughly before cooking.

"This vegetable is rich in iron and is also relatively rich in S-methyl methionine (so-called Vitamin U – this is pseudovitamin) and is used traditionally to treat gastric and intestinal disorders. S-methyl methionine is a substance that strengthens the cell membrane and overall immune system. It was also reported that S-methyl methionine can act as a hypolipidemic agent or lowers our cholesterol/fat in our blood. Kangkong has also been found to have insulin-like properties, acting as an anti-hyperglycemic agent."

Oneng imbes akit da ing kayapan ning kangkung, uling e me kailangan pigastusan, e da makaying dadagul ing balita, anti na ning keng kamuti, uling makabawas pin naman panakitan king negosyu da ring aliuang mapanyamantala ustung abalu da na ing tutung kailangan ning katauan ba yang mipasalese a e me man saliuan, nune atiu ya king lele at malyari meng langgukan.

"Dr. Zenaida Andrade of the Eastern Visayas State University Chemical Engineering Department identified the water spinach as one of several acquatic plants that can be used for wastewater treatment of constructed wetland in Laguna de Bay. In 2006 a report by several Filipino students showed that only the bottom part of the water spinach stem taken from Laguna de Bay showed concentrations of lead, though the amount was still below dangerous levels st by the World Health Organization."

Anya kalupa ning water lily, imbes lalawen meng perwisyu, ing kangkung a matalik tumubu karing sapa at dadalanan danum, e makabarang dalan danum, nune, lilinisan na at lalako ing makalasun a bubulus da ring factories a magnegosyu karing dalanan danum na bibie bie karing asan at gule na malyaring panyuglung bie da ring taung malda.

Maligosu. Penyaludsuran ku pamung masalese nung pun lang keti ibat Kapampangan. King pamangutang ku, dakal at sanayan ing pamulug da la dening mangalati at mamayit-mayit a bulung ka-Ilukanuan (North Luzon).

Sabi ng Mang Geng na metung kareng pinakamaniaman maglutu (Olalia Santos, legendary king pamangauang balo-balo ampong tamalis ustung Disiembri) ing ring banda Tarlac a ilang mapamangan makanian. Gigisa da naman 'ting gule o kaya buluganan dang sardinas. Kerakalan, lalaku da la deni ustung kayabakan maranun o gatpanapun, itang tiempung bayu almusal o itang bayu oras maglutung apunan. Dapat kasi kaputut da tangke e la paluatan ilutu lang agad uling tiktak kapayit ustung melanat na la bulung.

Niyog (Ngungut). Uyni ing awus tamu potang makuniat ne laman. Apin potang buklat de, ing bikan ila ding gagamitan pampakintab tabla. Ing bunut na lual ya mu naman gagamitan da maluat ding mag-orchids bang pikalauatan emut at pikuanan sustansia.

Oneng imbes burian da reng bayung sibul a mamaglutu ing natural—maluat mu pin uling kudkuran mo pa laman, kaibat, paslan mu ing piga, at ing sapal isalbag pamataba karing tanaman pakapasu—miyanad la at mipatuki king instant powder at flavored, like coconut milk kanu!

Manibat king ginilu, aniang kapanaunan 1900s angga siguru 1990s, manu-manu ing pamamaslang kidkuran ngungut. Nia alang makaying mikakasakit batu kareng tau, ternuan diang bukayung kamuti, karioka, suman, bibingka at nanu-nanu pang kapangan aldoldo milulutu.

Oneng, nung nanu ta ing milyari? Manibat king danum, sampaluk, gandus, asin, vetsin, taba, aslam, mayumu, kape, at dakal pa egana-ganang sangkap a natural, akukua mu karing gulut bale o siping bale, meging parte ning mabilisan negosyu, tingi-tingi dati, sasaliuan mandala kang bote o basu, takalan da ing agyu mung saliuan king pera mung dadalan—megi na ngan paka-plastic!

Datinan, atandanan ku manibat pa niang 1968, antabayanan ke y Mama ku potang mamupul ngungut, ikawani na ing sabo, gauan aslam, o kaya ding atin pang Mother Liquor at ascetic acid formula, agad da nang gauan nata de coco. Bulanan atin kang anguan apag mayumu ustung alang pupul mangga, macapunu, o yangka. Itang metipun laman ngungut, pakudkud na at iya naman gauan latik. Itang larung metipun iang all around pangaskas potang atin masakit at pati paglako kalikubak, yang pangaskas at karing masakit a rayuma.

Ngeni man pati nata de coco na menibat keti Pilipinas, kabira-bira aliua lang bansa ding menikuang patent. Paka-sachet a aliua'liuang dagul a plastic iimport da na pisasali Pilipinas nu ya menibatan ing nata de coco.

Mustasa. Native a malati tangke at mas malinatnat a bulong o matabia detang magaspang a bulung at madagul malapad a tangke. Maski sanu man kareni, maniaman lang kaskasanan buru o balo balo, irolyu at gigutan anting maman da ring apu. Ilang "perfect match" para karing mialiuang ningnang asan—ito, bulig, tilapia, bangus. Haaaaiiiisssssssst! Ginalukguk ku atian at mengaiat wawa.

King baluan ku, iting bulung ayni mu naman ing gagamitan dang wasabi. Dagdag kaniti, potang atin mitagan kaibat ning patingapun a tinda palengki, buruan da na ing mitatagan. Uyni naman ing maniaman gilian mangalati, igisa mu king bawang, sibuyas, dakal a kamatis, bulug mu ing giling burung mustasa at potang bubukal na, dinan mung sebulan ebun. Paburen mung mukal bagia pasibayu, kaibat niti potang mélange na ing ebun megbuu, ikid mu na. Ternuan mu neng tuyu, tinapa o gang ala na, ampo single nasi. E man magisan ing singkuenta pesus, agyu mung pakan anggang mga apat katubale.

Nung lawen mu, ing masustansia tutung maniaman yang iyapag king lamesa at e ya tutung maragul a gastus. Katamaran at kelan kusa king pamaglutu iang makakamal at magdalang kasakitan king aldoldo pamibiebie.


[About the author. A renaissance social worker, a revolutionary teacher, a supporter of artists, a trail-blazing woman of substance, Cecile S. Yumul is an embodiment of the phrase "Carpe diem!" This multi-awarded teacher/broadcast journalist started her broadcasting career over 27 years ago. Her radio/tv show "Bukas Bayan" has been on air since 1999 and is still airing with a multi-sectoral fan base. She is an accomplished cook, a mystic gardener, an actress, and a true environmentalist—a distinction she is indeed proud of.]

-Posted: 9:14 PM 10/27/11 | More of this author on eK!
Nextnext