eK! is electronic Kabalen, a web-exclusive Kapampangan journal of ideas

cecile s. yumul
cecile s yumul BINIE KU na ngan, angga na keni. E ku na agyu, gang tiktak niaman. Ngeni ku tatanggapan ing tutu iapin kasebian. Nanu mang sobra e maiap. Enaku digpan ning alti? Digpan naku ning sakit. Oyta, ing milyari kening kaluguran a e pepatugut.

Ikua keng penalukian uling alang text, alang awus, alang internet. Mengabitin ing egana-gana. Pati reng talatuki king milyaring pengakung paruminggung alang patugut. Angga nia kanung lima, e misadsad nung dagdagan ne pang ka 'nam o ka 'pito. Map namu atin aliua pang sangkan. As they say, "She was saved by the bell."

Oyni ing milyari karing aduang mipangakung sadsaran. Bigla yang me-recall ing bakasyun. Mipanawus la na mikit agiang sagli mu keta nang malapit a SM City Clark Mall. Ngana ning bakasyunista mikit nala mu ketang pane dang patalastas keng TV. Maranun. Pisabi da sabayan da ne ing grasya ning simba kaibat ituki ing grasya ning atian. Bigla dakung aganaka ding adua (Ot kaya eda na ku man aganakang tiki muman anggang king ka lima dang pamiabe? Taksiapu da!) uling daramdaman de kanaku ini potang mag-emcee ku kanu. "Yari ne pu ing misa, sundu tane king la mesa."

Dakal pipamilian kening pintalan da kaibat ning misa. Menuldu neng menuldu ining bakasyunista anti na mong isipan ing banua na naman bayu na takman ing anti kanini. Aliua pin naman ustung ati ka king lugal a kebaitan. Bala mu mas maniaman mung apilasan.

Katataulian deng inapag ing inorder dang "maigit kanung 'sang dosenang sangkap." O naman, alus ala man tunggal kutsarita gang pang dakal ya mesabing sangkap. Makanian ya ita, dakal a kulor maiaiakit, pero eya makanian kaniaman potang pialu-alu muneng sakyuran ilyupan. More on form , less on substance. Balu yu na nula minta at ninanu la.

In closing, my two friends learned more than just sharing five days together in different places, experiencing the various ways of pleasuring the senses, especially the palate.

It was, in many ways, counting really a "Halo-halo" experience. For those who followed through the first four episodes and tried to identify, but failed, because they have not journeyed to the places in this virtual trip, here goes the list for you to rediscover when summer heat strikes again or the craving gets to you.

Manibat king minuna, Kapampangan la ding menatagan karing karelang pemuntalan. At buri da lang pasalamatan: Razon's, Kabigting, RFW, Corazon's, at ining katataulian a iang e Kapampangan, Chowking.


[About the author. A renaissance social worker, a revolutionary teacher, a supporter of artists, a trail-blazing woman of substance, Cecile S. Yumul is an embodiment of the phrase "Carpe diem!" This multi-awarded teacher/broadcast journalist started her broadcasting career over 27 years ago. Her radio/tv show "Bukas Bayan" has been on air since 1999 and is still airing with a multi-sectoral fan base. She is an accomplished cook, a mystic gardener, an actress, and a true environmentalist—a distinction she is indeed proud of.]

-Posted: 5:00 PM 9/25/11 | More of this author on eK!
Nextnext