eK! is electronic Kabalen, a web-exclusive Kapampangan journal of ideas

cecile s. yumul
cecile s yumul LUNCH AT Abe's Farm triggered various memories. Just because of one word, "Abe."

Ing "abe ku bale" could refer to the wife or husband. On the other hand, "abe" may also refer to the household help.

The word at the same time brings back the hauntingly familiar strains of Mon David's carrier single, "Abe Mu Ku," from a CD collection of Kapampangan original songs launched some years back. It also calls to mind Andy Alviz's group singing, dancing and inviting all Kapampangans throughout the world in their song, promoting the best of Pampanga, "Abe-abe, tuki-tuki, durut-durut, malaus ka Pampanga!"

Kabang ilyupan mi ing pureed sinigang sa bayabas a bangus belly (ing Kapampangan awus na kanini bulanglang, oneng nia eke ginamit ing bulanglang uling derivation nia ning akagisingan tamung kawe-kawe la ding butulan biabas at biluganan gandus malagkit ), inabayanan ne pang my pren Willie metung order pinakbit Kapampangan. Aro, kaibat y Sotsot naman digdagan ne pang kilayin. Aba pamu, ngaku karela, dagdagan yeng pritung (h)itu. Ining BFF Willie, na sane kareng five-star places, kitnangan naku ba naman, "Pren, na'ng buri mu, medium o well done?"

"Ing sanu?" ngaku, uling balu ku steak mu ing kukutnan daku king makanian. Ginalapak la ba naman ilang abe kung makalukluk kilub restaurant kilub ning malagubat a Abe's farm, nukarin kayugtuan aldo ala lang patugut ding aringaya. Nature's symphony at its best.

Penandit miapag na ngan ing inorder mi. O Kapampangan ku, angga king balunbalunan nia ing (h)itu pepalutu ke itang malutung angga palikpik. At uling Kapampangan ia naman ing lugal keni king Ayala, Magalang, Pampanga, dapat mu atin yang abe buru ampong bulung mustasa.

Aro, abe ko, memangaiat nake uaua king salingalngal na niaman ning makaiapag. Inumpisan mine. Ala ng bubulad, singkaragul subu. Belikdan kula, nuko, banayad la pang subu-subu. Ay peburen kula, ting buntuk pusa ing samul ku. Bagia pa ining banda kung wanan, Sotsot, ena abata ing banaiad a subu. Mikiapus nia naman. Nanu pa mo, e di kulang ing nasi. Mikaduan yang order, pati na ning bulung mustasang dimut mu aduang pirasung makayagape king pritung (h)itu. Maganaka at mayasisti la ding manapag pamangan. Dininan daku pang libring atlung bulung mustasa pamaris king mitatagan malutung a pritung (h)itu.

Nuko, abe ko! Migtas nakung bitis, selambo ku ne king pagabe lalam lamesa. Digpanen, lalung menyaman ing bakbakan king babo lamesa. Makaiantabe neman ing tigabulus inuman. Duda ku pin silip-silipan dala (na dapat mu) ding makatutuk a sisilbian dang lamesa. Ing awus kanita damage control! King Kapampangan, "Tak nay du mo, banabanaiad! Mabaknal ka! Ala na ka man kasaglulu king pamangan!"

Haaay marsyosep, ika mi ngan abe-abe, mirungut-rungut king apag, kabse! Mangaragul nake kambang arung! Ngara pin, makalunus ya ing pusa, alang mitagan pati dui.

Pamu! Abe ko, e kumpletu kanini nung alang pagmayumu. Linapit ya ing alistung tagaiapag, lagyu na Daniel, "Ing pung atin torones sagin, atin yang yangka ampong ube, adua iang pirasu ing metung a order. Dinan dako pung aduang order?" "O ua, sige," ngami na gang bubural nake pusad.

Kabang panenaian miya. Mibuklat ing pamanyawus kareng kaluguran, asaua, at aliua pa. Puera pa kening "abe" na mesambit nang ulit-ulit. Uyni pa ing inambag da king apag:

Sabi ng Willie, na megdatun Middle East aduang pulut-anam a banua, "Habibi, means my love, my friend, my buddy, or a special person." Hmmm, it makes sense---"Ha, bebe," doesn’t it?

Niang ibat ing WWII miyusu neman ing "Jo." Apparently taken from G.I. Joe. Eventually, of course, when the 21st century came, Ara Muna gave "jo"universal exposure through a love song, "O Jo Kaluguran Daka." And "jo" formally made its claim as a word in the Kapampangan context. Ustung "jo" naka, labs naka. Kareng kabarung berde daya, "Jowa." Wa ne?!

Whatever the term of endearment may be, there is universality in how we feel for food, for people, for places. Not necessarily in that order.


[About the author. Cecile Santos Yumul is a veteran award winning Broadcast Journalist, a visionary teacher (Most Outstanding Teacher of the Philipines in 1992), a nationalist (Most Outstanding Kapampangan for Education in 1993), an environmentalist, and a dedicated daughter. She has over 35 years experience in the field of arts as an actor, director, and author. She is a published writer (Woman's Magazine) of essays, poems, short stories, and social commentaries. She currently resides in Lakandula, Mabalacat, Pampanga with her Mother, 18 dogs, doves, and bonsais.]

-Posted: 8:32 AM 4/11/11 | More of this author on eK!
Nextnext