eK! is electronic Kabalen, a web-exclusive Kapampangan journal of ideas

cecile s. yumul
cecile s yumul MALISANGAN NA at miparanun pamo ing malyaldo, uli na ning alus mepitna ya pa ing Pebreru, maybug na kang magbalisoso king lisangan. Anya ding bisang mipasno metung mu ing isipan da at yan ing mamamunta karing lugar maliaring mamagtampiso.

Lauen ta noman ding pipandiluan, Manila Bay ya, Ilug ya, beach ya o swimming pool.

Most timely is the news and warning on water sample testing on the oft-frequented Manila Bay. When we look at the general picture and state of water safety of public beaches, resorts, swimming pools, among others, the recent published findings substantiate why in summer there is an outbreak in skin and eye infections among the younger generation. None of it on hindsight has really anything to do with the heat but the habits that go with the summer outings that usually throw precautions to the wind.

"According to laboratory tests on water safety standards, allowable is only 200 MPN/ml, but the sampling taken from Manila Bay reached horrific proportions. The tests showed 50,000 to 80,000 MPN/ml."

Anta makananu ka pin naman karing tau. Gang man tiktak la pangarok panyaptan ding mialiuang milukluk eda naman a kokopu iting gauang makasulasuk ding manungkulan. Maragul la naman pakibatan ding taung mamagdatun king Manila Bay. Ila mismu ing dirinat king pipagdatunan da balang midinan kanauan king lisangan ning panaun.

Nenging Eneru pamu iti yang meging desisyun ning Supreme Court dikil king Manila Bay na dapat mu ing pagpursigian da ring mialiuang ahensiya ning gobiernu ing pangalinis na.

Pamu ngaku pin mekapangamanu king programa mi radio, mabuguk buguk la ngan wari ding makalukluk king gobiernu para tambakanan deng dinat, gauan deng pililiuasan potang bigla lang mamaniakit a atian at mulayi la pang mame king bebe dagat?

Ali. Nune ding mismung mamag alsa at manuligsa king panga inutil na ning gobiernu mekad makabilang la karing alang kiber manugse, maglakuan dinat, pibalatan, pipanganan, at nung memalas malas pa, ustung ena abatang miras king kasilyas, ing karing pigulut daring mangaragul tipak batu na sapul sapulan ning danum dayat malat, karin la mamani o mamanakla.

Seria ku ing diretsu ing amanu uling iang dapat ba tang apibule nung makananu makariri ing kabinabian a paniaptan king metung a dapat sana pakamalan a lugal bibie kapasnuan karing dakal a memalen.

O nung pagmasusian tamu, den taung pane maniangkanan ala ng pipamasialan uling dala ning masakit a bie ania pin Manila Bay nala pipilit magswimming at mamagpiknik ga man baual da ing pamagtampiso king marinat ng danum. O diaskes! Ila mu naman ding mamaglakuan dakal a sukal at dirinat mismu king danum ning dayat malat.

Nung abalu da sanang agad ining meiakit laboratory testing king danum ibat dayat malat a mesambit ketang pambungad, gang sepung kuku ning intuturu eme man itoto o italbug king danum gang nuka kauang milako lisangan.

Ena man tutung masakit gauan karing midadaken kapasnauan, mipapasno lisangan, minanaua panimanman at kaisipan ustung magpatingangin la bebe dayat malat ing munikalang antimong bale mu naman, sinupan, e maglakuan kalat potang datang ne ing sisilim at kailangan muneng gulutan. Maigit pa sana king manalangin, ibie dang lingap at dinan deng respetu ing lugal a babie kanauan ala naman aduan o sisingil a kalibe king bibie na king bauat metung a mumunta kaya.


[About the author. Cecile Santos Yumul is a veteran award winning Broadcast Journalist, a visionary teacher (Most Outstanding Teacher of the Philipines in 1992), a nationalist (Most Outstanding Kapampangan for Education in 1993), an environmentalist, and a dedicated daughter. She has over 35 years experience in the field of arts as an actor, director, and author. She is a published writer (Woman's Magazine) of essays, poems, short stories, and social commentaries. She currently resides in Lakandula, Mabalacat, Pampanga with her Mother, 18 dogs, doves, and bonsais.]

-Posted: 12:24 PM 3/17/09 | More of this author on eK!
Nextnext