eK! is electronic Kabalen, a web-exclusive Kapampangan journal of ideas

cecile s. yumul
cecile s yumul ITI ING ing minunang linub isip cu aniang muna queng ikit ing amamung IMA nang Andy Alviz.

Iya pang kalukluk mu at pangayarap entabladu, anti na kang midala animu king aliuang bie na emu na maliaring dasan. Bala mu ita uling king aduang oras a milabas, enaka mitikdo man uling eka bisang mako king aluban mung panaun ning milabas.

...king metung a Indu na meiagkat tumagun, ding mapilan, misasamut ing tulu ning lua king tula at kislut ning pamiganaka king Imang ala na keti sulip at midinan bie karing mialiuang gagalo Ima king babo entabladu.

...king metung a Anac na mekad emu misan kesnukan na ing pamakialam at kaindredus nang Ima na, timan timan at mapalyaring awari na, king kasakit na daralan ning metung a Indu king aldoldo, lakuan dasan me king bale, itamung ditak a dibersyun enaman makamate para mung tau, e me pa naman wari apanusigan.

...king metung a Indu na masanting kabilian at mekasilip king bie aliua ding kebabainan e mibagua king marangiang bie da king pamakiasaua, mapaliaring ngana, Map namu pala, ing yaku, kasanting kuna kerasan king kakung kabilian...

IMA


The number of attendees in the audience that night we watched Ima could be the same number of realizations that came with the evening in the midst of spontaneous laughter elicited by the different scenes essayed by the Imaarti cast.

The night Ima The Musical was launched Andy Alviz paraded the timeless faces and characters of mothers. Interweaving the ordinary woes and travails of Ima---coping on a market day, choosing what clothes to wear, deciding what food to prepare, doing the laundry, cleaning the house---all became extraordinary scenes, unfolded in pomp galore of one musical extravaganza. Daily scenes taken for granted by the majority became the very source of riotous laughter.

Not even our being dressed to the hilt, looking prim and proper in Filipiniana, could stop us from letting out a hearty belly laugh. Restraint wasn't just possible, especially so while watching the scene at the dress shop. The sketch of waistlines and hiplines that expanded from years of childbirth, from squatting doing the laundry for years, or maybe from just sitting around as only the rich can endure while playing mahjong endlessly, and for other reasons we cannot enumerate with our fingers, sent the audience to roars of laughter that ultimately burst the theater when one Ima ripped off her clothes, insisting that she be sewn a dress several sizes under hers.

Ha, Ha, Ha, Ha had us in the audience taking a breather, but enjoying it still, because this time around there was coaxing by a conductor, Andy Alviz, who made our laughter come out in measured unison with that of those on stage.

Agnes Romero's singing prowess was such a revelation . Her numbers with other Imas brought back memories of scenes in many a broadway play. Acting, singing with the same gusto, reflecting in their performance how much they enjoyed the experience of liberation on stage were Carmen Tayag-Mactavish and Marsha Santos-Nepomuceno.

Making us proud, too, from our own batch '74 in HFA (Holy Family Academy) is Dita Dayrit-Patawaran, given more speaking lines she will make a very effective character actress. Eya mu pu dirinan taram itang palang pota ibalawus neng panabak karen akakataltalan na emu king palengke.

Captured in such naughty wit, (ing Kapampangang kakambal sisti, from a brilliant script by Randy del Rosario ) which kept our jaws aching from minute after minute of controlled giggling at what just seemed to be the spontaneous repartee of the cast was the Kebaitan ng Ima scene, where everybody came in their best outfit.

From the first Ima to the last Ima who was onstage that night, I wish I could talk about you in a single column. I could go on and on, hailing each scene which kept me glued to my seat from beginning to end. The enduring scene where the audience was brought to a hush and the only sound were those of two Imas onstage: matriarch and daughter singing to the haunting, lilting melody of Recy Pineda's "Ima Kaluguran Daka."

Agyang nanu pa man ing meging bie delanan mu king pamagparagul naning Indu king kayang anac. Eme atarul ing sakripisyu, ing lugud nang alang kapupusan. Nu ka man katua na dasan a edad, metung ia ing amanung gang emu isipan iang lumual king asbuk ustung ati ka king ruruk ning tula, "O IMA KO!"

Potang misagad naka king kasakitan at kapibabatan at emu na maibug a pusan at buring dinan kapupusan, "IMA oba't makanian?"

At ustung bisa kang midinan katimauan at mibalik king pali ning salu, metung ia ing paintunan, lumukub ba kang mipaldan, "IMA kaulan mu ku."

Karing gamat a mangaina na king obrang alang kapupusan para karing anak, ring brasung memalgang at lape lape mengalumpis ing balat karing peparagul nang butakal a anak.

Alang tumbas a pera, alang pante niaman ing kabang mabie ia y Ima, Indu, Inang, ibalut me, ya namang lukuban king pali ning kekang salu, kaul a matalik at sabian mung alang alinlangan ing, "O IMA IKA ING SALA, IKA ING BIE, IKA ING SIKANAN!"

MALUID IA ING IMA, Ing Indung Kapampangan, ding anggang ginusal para king Teatro Maarti!


[About the author. Cecile Santos Yumul is a veteran award winning Broadcast Journalist, a visionary teacher (Most Outstanding Teacher of the Philipines in 1992), a nationalist (Most Outstanding Kapampangan for Education in 1993), an environmentalist, and a dedicated daughter. She has over 35 years experience in the field of arts as an actor, director, and author. She is a published writer (Woman's Magazine) of essays, poems, short stories, and social commentaries. She currently resides in Lakandula, Mabalacat, Pampanga with her Mother, 18 dogs, doves, and bonsais.]

-Posted: 7:18 PM 3/1/09 | More of this author on eK!
WHAT THEY SAY...

Jose Roman Reyes Laquian writes...

Atsing Ces,

Mayap a Aldo pu ning Maganacang DIOS IBPA quecayu !

Tutung metagquil cu pu capanandaman caring mangasampat at macatutuan a amanung sinulat yu diquil qng tune pamilarawan ning metung a IMA o INDU.

Pauli niti, ecu aiwasan ing pasibayung mipalua uling mibalic ya ing nuan a larawan ning pacamalan cung meangubie IMA.

Iti pung poema que lalam niting canacung sulat quecayu misulat yang maqui Lua ning Malalam a Lugud para queng Pacamalan cung IMA. Panupaya yu cu pu nung atin pang mayaquit a caculangan queng poema uling paniwalan cu pung e la sapat ding pecamayumu at malugud a amanu qng Alang Caparang Lugud, Lingap at Pamantabe ning metung a IMA.

Pasalamat, lulugud at gagalang,
Capatad Jose Roman

*

"INDU" (Poema)

Neng Jose Roman Reyes Laquian
4:45 pm./12 Mayo 2008 (Lunes)

Cabait ning bingut, mibait ya naman,
Pangababai na, mibayu cabilian;
Gatas na queng queang salu manibatan
Queng bingut nang suyu mamie bie't sicanan.

Yang macaintindi ala man amanuan
Ing bingut nang beit, sese't cacandungan,
Ding gamat nang maqui lingap a dadalan
Babie capainawan, tudtud a maniaman.

Lugud na queng anac, ala yang capara
Queng yatung masala, mitmu suyu't diwa,
Careng sablang bague ya ing sasagana,
Queang lalabanan sablang sasansala.

Lugud na queng anac, tuneng patimaua,
Dalise nang lingap macapagmulala,
Manese nang palad papalto lang tanda
Ning purung cayapan, wagas at daquila.

Quea ya ing ustung pamanese anac:
Pamaglampin at pamaglagac panalpac,
Pitunging amanung masaya panandam,
At maglaman diwa queng amanung culang.

E na panintunan yatung cataniagan,
Tula ne ing queang bingut a ingatan...
Pagtumaila ne ing anac queng pagqueran,
Ya'y ni... quesa libung diamanteng maquinang.

"INDU" ya ing lagyung antimo Qng GUINU
Queng labi at pusu ning bingut cacatmu,
Quea ya ing pusu ning dalise guintu't
Matang mitmu lugud, macaslag a sulu.

Dening queng yatung bie, mangalagung bague,
Dose-dosena la, adua't atlung daque.
Dacal camag-anac, cumare't cumpare,
Dapuat metung yamu... Indung mamantabe.

Ya ing caluguran tune't ayasajan
Caras ding mangatinding capalsubucan;
Queng panaun na ning sobrang casaquitan
At malulam biga ning capicacunuan.

Cayantabe na ning anac nang liguran
Ding mayap nang turu, payo at cabiasnan,
ilang mamalis caring bigang malulam
At magbalic queng pusu na capayapan.

Ing aral queng queang labi manibatan:
Balanang amanung queang sasambitlan
Queng lingapan anac quea maquiramdam
Mumubug queng queang anac a isipan.

Ing queang imaje malalam mitanam
Queng pusu ning queang anac a liguran;
Ing matinding lugud queng pusu nang malam
Simbul ne ning queang lagyung pacamalan.

Queng susuywan anac lalapo ya lugud,
Pelalung ugali nang e man macatud;
Ya at ing anac nang queng lugud liniluc
Mibigquis qng metung dang pusung titibuc.

Ding balang taguimpan at nasa ning anac
Ibat queang indung angel na ning abac;
Ding angel qng cacatas-catasan banua
Ramdam de ing queang tutung pamalsinta.

Ing pusu na anting talagang malalam
Nung nu atabnuan ya ing capatawaran,
Masna ya qng tula't pagasang dadalan,
Anti yang palacio queng calualasan.

Ya mu cabud banco a pilalagacan
Ding casaquitan at capigaganacan;
Queng palsintan anac babie nang lubusan
Patubu ning lugud, tula't capayapan.

Pamanusga queang lunus at intindi,
Queng queang pusu ing lugud a matindi;
Quea la ding matang queng anac maniabi
"Caluguran daca maigit queng sarili."

Yatu ne ing queang anac a penganac
Nung nu ya wari ing pusu na milagac,
Nung nu pusu na lin'wal qng queang salu't
Lalacad cayagnan ning anac nang suyu.

Ya ing mibubuat qng anac nang misacab,
Queng sugatan anac, uma nang milapat
Qng lugud at lingap, panulu neng sapat,
At cuentong panaru quea na papasiag.

Pamiparagul, ing quea cabaldugan:
Ing anac, anac ne angang tumua ya man.
Dagul ya man tau, anac nang liguran,
Ya mu rin bingut nang queang lilingapan.

Nucarin ya mo ing masayang tucnangan?
Nung nu atyu ya y indung pacamalan!
Pecamatas a cabayaran at salud
Yang pamayad queang dalise ta'ng lugud!

Quea la ding gamat a tutugun duyan,
Mamie capainawan ampon capayapan.
Queng lugud, gamat ning anac na tatalnan
Pati ing pusu na angang capilan man.

"INDU," cawatasan alang capupusan,
Ala yang anganan queng pamilarawan.
Ya ing peca-yamut, pundacion malalam
Nung nu ya ing bini ning bie't cabaldugan!

-Posted/Via Email: Tuesday, March 3, 2009, 12:52 AM



The author Cecile S Yumul writes...

Mayap a Oras, K. Roman,

Kaniaman na king balugbug ing geua yu lalu na nung maramdam ia king " Aldo da ring Ima " .

Nung paintulutan yu, maliari iang pung mabasa king radio at entabladu ngening Mayo ? Nung sa ati kayu keti Pampanga, aku na pu ing managkat kekayu, tumagun ketang katlu ng banua iting gagauan ming Rhtyhm of Life a musical concert para karing matuang mipaburen namu at likuan da king Bahay Pag-Ibig, karing ulila da ring Munting Tahanan ning Nazareth. ding pung anac a ating talentu king musika, mapakanta, pamanerak at pamanigtig instrumentus anti naning keyboard, violin, gitara, at mialiua, antabayanan kula . Ngeni pung katlung banua na libring concert a ini, gauan miya pu king People's Gym , Cutcut, Angeles City, arapan ia alus ning Holy Mary chapels. Nung makatagun kayu pu, Ikayu ing ukiat ku entabladu.

Para karing piankakaluguran tamung Indu.

gagalang pu. Cecile

-Posted/Via Email: 2009-03-30 03:06:27 PDT



post Publish your comments...
Nextnext