eK! is electronic Kabalen, a web-exclusive Kapampangan journal of ideas

cecile s. yumul
cecile s yumul MANANGKAP YA ing abe king pakasabit lual bale. Mibsu ne inugse itang makasabit a dutung, balamu tin yamung apat a bakting pulung kauayan, ban kanita e masakit itang lubid makabatibut, potang makasake ka ketang aluyan. Nung eme balu, nanu ya pangagamit, kalupa ning abe mi bale, dakal ing laue sukal yang makalele. Ing balu da kasi ring duyan atin pisabitan dutung king mingatbang lele at ita mu rin ing pisabitan king lubid ba kang miduyan king kapasnawan.

Eyu ku kukutnan nung ustu ya ing amanu. Ing boses nang pagas Ingkung yang sisitsit kanaku, "Anggang dagul ka, isinup me ining aluyan a geua ku ne?"

Agad ya meiangu bie y Ingkung, pero gang man ngeni malino at mabie ing dakal a penandit piduyan duyan naku. Ustung muli ke Tete Matsin (ya pung ayus da ketang tete king Concepcion, gang man ngeni gaua neng semento), makapanaia ne ketang lalam biabas itang aluyan kung makasabit karin sangang biabas. Kabang papakan lang manuk, isake nakung Ingkung at ketang metung nang gamat, ating lubid a makaba makatayid at kabang lalawen no ring kulungan. Ustung sapuldung ya king gamat itang lubid, igutan ne, ban kanita aku naman, anti ku mong sulasulapo king angin makasake king kakung aluyan.

Grandfather was a quiet man. He did not tell his stories in words. We heard of it in raspy basultos. We felt affection in the toys he carved for us. He made big and small kites for us. My brothers had Gurions, I had a small buralul. The meadows surrounding the old house buzzed with all kinds of dragonflies, from the big-eyed green ones to the "tulang karayom." There, we flew the kites and my brothers would have kite fights up there in the borderless blue skies. Long before kids nowadays enjoyed their battery-powered rides in the mall, we had it better. No vehicular accidents to worry about, no child abduction for internal organs sale and other worries that plague parents today.

Iniang mangalati ke pa, lumual ke dalan, pakatakiaran. Asna kang dagul pakiramdam, potang tuklu naka karing latang pakapaku karing pun kwayan. Emu ita ing pialung saglulu king dalan. Y Ingkung memangaua yang dutung "scooter." Atin yang pitalnan anti mong bisikleta, dapot, ikang gagamit, makatalakad ing pamanyake. Adua ya parugang at itang pilatan, karin ka makaulma talampakan. Nun ti ka kabilis manayuda umpisan me itulak kin metung a bitis, potang makasalida ne, magpatalan naka pareu nalang makatuklu king dutung ding bitis. Atin kami naman kabayung dutung, uli na ning kanita, ustu mung piesta karin la ring akit mung tsubibu king karnabal.

The olden days were stark in plainness and one day seemed more like a week now with all the distractions to while away the time. The roads were graveled at most if not muddied during rainy seasons or powder dusty dry in summer heat. Today almost all roads are concrete and there is barely any room for grass to grow.

Then when you walk you feel the tingling tickle of the morning dew and a frog or two, some dragonflies, small grasshoppers scampering away at the thought that they might be trampled on. Today not even the blaring horns could scare away a child making a territorial claim on the concrete road, no grass, no dragonflies, no frogs, no morning dew, just the stink of stagnant water, the sting of the mosquitoes, lucky you are, if not dengue-carrying ones.

Kayuli mung manggitata king pawas, maglubid a palid, oras ng mamandilu. Kaugtuan aldo, kaibat dakang pepakabsian nganang Ingkung, "Mamanudtud ko pa, bakong dagul agad. Kagising yu mangan tang sorbetes ampong burquillos." Y Ingkung agad neng mitaling madagul a yulas mingatbang sepu, atin lubid makatali karing asyas adwang poste king sala. Sakluluan naku at idapuk king duyan sobra ku pa king mikera, uling madagul ya ing duyan. Lape lape ya lele mingatba, kabang igutigutan ne tang lubid king gamat na at pitiritirin naku. Uling atin ya pang kaduang palapag ing bale, kabang magparatang ku tundu, akakit ko ring lupisak at ditak agi agi karing singit lande. Bayu ko ayaring bilangan, lalawut ya boses y Ingkung at babayat la ring mata kekaban alang tuknang ing yuyu ning duyan. Lalaut, lalapit ing bau ning alang patugut a bukal ning kape baraku king pugun angga king miduyan naku king niyaman ning tundu.

Today we have so many options, from family spa to battery-powered back pillows, from cable television, ipods, mp3 players, dvd, dts, 3g phones and yet, the quiet slumber does not come as easily. We have take-out food, fast food, home delivery, and yet, none of the food that gave us the best of memories, the smell of something old from Grandfather's tanchotique or may be three flowers pomade. The scratchy feel of overgrown stubble because Gillette was something not so ordinary, and the common use was two coins held between fingers to pull away the stubble from the chin or the "chani" that grandfather would ask you to get .

Oreni ding emu asali gang ti naka karakal atipun a pera. Angga pang asali mune ing pinakamal a pitudturan. Gang pang gisanan mo ring dangkal tumpuk a pera king carnival at the mall. Gang pang makayusu naka saken.

At the end of the day, alone in bed, you realize nothing will ever measure up to the love, the warmth, and the tireless hand that rocked the cradle.

Medagul nakung butakal. Enaku mipagiu king aluyan. Makanyan mu naman ing lugud a mibalut king pangatawu mi kekaban daragul at mimumulat a isip, maglapo ya nuya man kadagul ing duyan... Angga ngeni king lual pasbul bale, makasabit ya pa ing kanakung aluyan.

Dimut ya pin dutung at kuayan pangayari ing aluyan
Pikumpul yamu pin laun a ulas ing tinaling duyan
Karin ngan ing lugud ding matua midapuk at dalan
Ning pamanusig, pamag paragul karin apung pakamalan.



[About the author. Cecile Santos Yumul is a veteran award winning Broadcast Journalist, a visionary teacher (Most Outstanding Teacher of the Philipines in 1992), a nationalist (Most Outstanding Kapampangan for Education in 1993), an environmentalist, and a dedicated daughter. She has over 35 years experience in the field of arts as an actor, director, and author. She is a published writer (Woman's Magazine) of essays, poems, short stories, and social commentaries. She currently resides in Lakandula, Mabalacat, Pampanga with her Mother, 18 dogs, doves, and bonsais.]

-Posted: 7:17 PM 10/22/08 | More of this author on eK!
WHAT THEY SAY...

Manolo Gatbonton (of Virginia, USA) writes...

Kagising ku nandin, minta ku eK binasa ko reng bayung articles (aral ng sinukwan, aluyan o duyan, random verses) Ketang aluyan o duyan - kabang babasan ke, meniagiwa ing milabas a bie, ing quality ning bie, ing paradox ning technology, ing tune lugud . Balu mung suldungan ing metudtud a kapanamdaman, ing lugud ning Ingkung o Impu king apu. Mibalik kanaku deng melagas a pana'un

-pamag pasulapo burarul
-arakap mo reng sula-sulapo tulang ampong durun kareng dikut ketang marangle
-pamamialung king dalan, ing simpleng lata, maging metung yang pialungan
-ing duyan, ing tumaila kambe ning lugud.

dakal a salamat...

-Posted/Via Email: Saturday, Sat, 10/25/08



The author Cecile Yumul writes...

K. Manolo, Mayap a galingaldo pu. Uyni meyari ku pang meglutung suam mais, ginamit ku ding mangalating lakatan at siksik a butil. Biluganan kung bulung lara, uling kegisanan bulung malungge. Alang bulug a kalupa da ring patalastas a mamuladas karing manalbe. E misamutan carcinogenics. Ing niaman menibat mu king lagkit at natural a lasa ding mais at bulung. At uling kapampangan, siempre pu e kumpletu nung e migisang bawang at sibuyas.

Gang mu man king babasan, ding sanang mas anac pa kekatamu, akit da ing dagul na pamialiua ning yatung kemulatan tamu at ing yatung gugusalan da.

Mitda ku niyang ikit ke itang inusu dang "wall climbing" ginu ku pung mamakalulo, o mangalulu kang talaga keta pang pamanyabit mu king katauan bayu daka pa ituru. Gang dirit ngara pin, e tumbas king pamanalukiat karing mabungang sampaluc, anti niting makapanaun la , ding kaimitung, muradu . Salampakan miya mu ing sanga ba kang e manabu. O deni pang biabas tamu, atiu ne pamo ing panaun malisangan, kanita e wari, mananda nong sanga deng anac, uling gaua lang tiradol.

Uyan pa ing metung a kelinguan da na reng mamalagua mung mamalagua ngening salukuyan a panaun. O nung sana mangalingaldo ing gising, anti ning dapat da ring minunang tau, bayu ya sunlag ing aldo yari naka king obra at makaiadia na ing pamangan para patingapun.

Ing dinake ku kalupa niya mu naman ning duyan. Nung ding kerakalan, ela mangapatuki king egana ganang akakit da , e tutung masakit ing pamibie bie.

Itang aluyan ku, kalual ku pasbul, iang magpaganaka aldoldo, na ring tune magluat at e malalaun, e mamiling panaun ilapin ding panugaling akamulatan karing apu.

-Posted/Via Email: 2009-03-04 13:14:17 PST



post Publish your comments...
Nextnext