eK! is electronic Kabalen, a web-exclusive Kapampangan journal of ideas

cecile s. yumul
cecile s yumul Metung ing bage masala

karing talatuki at mamasa

eka bisubisu, miyayapse

pilinan banayad at mibule

bayu me iagkas at ipagpa

uling nga da ring mengatua

ing amanu pota yang dugpa

emu balu nuya makas ing late.


Nung digpan naka man ning late

Abe, kanini ka mu naman titibe

Gang pang deng mismung katu-bale

mekad misan, makaladwa mipate-pate

dapot ena buring sabian,ing iugse

at panyalbag mune wari at lubasan dine ?


Ali , Abe, keti yatu, nuka man lumawe

Nuka man muntang labuad magkate-kate

Mekad ding kasnukan mu ila pang agape

Uling anti mo waring pamangan yan wale

miyaliwang singkotsa pangilian at piabe abe

Pukpukan, tadtaran, pangilian, pabukalan me

Potang mikalabkab ne ing api, at melutu ne.

Ala ng niniaman pang takman tang ABE abe !


[About the author. Cecile Santos Yumul is a veteran award winning Broadcast Journalist, a visionary teacher (Most Outstanding Teacher of the Philipines in 1992), a nationalist (Most Outstanding Kapampangan for Education in 1993), an environmentalist, and a dedicated daughter. She has over 35 years experience in the field of arts as an actor, director, and author. She is a published writer (Woman's Magazine) of essays, poems, short stories, and social commentaries. She currently resides in Lakandula, Mabalacat, Pampanga with her Mother, 18 dogs, doves, and bonsais.]

-Posted: 11:58 PM 9/8/08 | More of this author on eK!
WHAT THEY SAY...

Papa Osmubal (of Macau) writes...

Masaya kung bina uli ning keti eK! balu kung ati ku keng pibale-bale ku. Pangasanting da reng susulat da reng kayabe keti, e ka man sumawang mamasa. Metung ne ining kawatasan a ini a inapse nang Ma'am Ces (siguru misane na kung awsan keng Atsing Ces bangkanita potang mitipun-tipun ta mu't mitagmu-tagmu, kapilan man ita, atunggen keng masale a balamu katubale ke).

I Atsing Ces (uyni na magumpisa na itang amanuwan ku), ya na yata ing pekabiyasang mangamanung Inglis ketang pipagaralan ku. Dapot sablang e ku balu a matenakan ya palang sumulat kawatasan Kapampangan. Magumpisa keng kilub ning pipagaralan miras man keng luwal nini, i Atsing Ces Yumul e tutuknang tuturu. Marakal ku abalu kareng susulat na keti eK!. Ing kawatasan nang Atsing Ces a binasa tamung ini metung na ne na naman a patune a metung yang tutung talaturu ing tawung ini.

Ining sinulat nang ini kawatasan yang e magmakalunus, e magkunwari. E ya kawatasan a palayawan no ilig reng tawu, nung e kawatasan yang tatalan palang, sibat, mataram ya, manyugat ya. Kawatasan yang ibuwat naka patas (uling masanting ya pangasulat) kaybat nabu nakang ibagsak (uling katutuwan ing darala na).

Salamat pu keng sinulat yung ini, Atsing Ces. Mislang ya pu sanang pane ing sala ning kapayapan ampong lugud keng makapadurut kekayu ken ampong nung nukarin ko man mipabasle.

-Posted/Via Email: Sat, 13 Sep 2008 01:49:52 -0700



post Publish your comments...
Nextnext