eK! is electronic Kabalen, a web-exclusive Kapampangan journal of ideas

cecile s. yumul
cecile s yumul THE RECENT years saw a spate of annulment petition in civil courts. Truly the 21st century women resolve marital problems almost on equal footing with men. This is a far cry from the martyred ways of our womenfolk in the last decades.

Even then no matter how much we try to embrace the modern ways of other cultures, some oral traditions and seemingly time-tested beliefs of our forebears cannot be put to oblivion.

Anti na mo ning dindam ku milabas pa ing pabanwa anyang itang metung a dalaga bisa ne kanung makiasawa. Uling marakal na naman ing piyabe, balu yu no man ding Kapampangan, maski makapakananu itayid daka king metung a maulagang bage malyari king bie na. Makanyan kung mipayambula king pisasabyan.

Ana nitang Apu ng Aleli (ena tutung lagyu), metung bengi makatipun ke king apag kaibat minapun, mibuklat ing pisasabyan king kasal.

"O nanu Leling, pekasipat me y Pedru nung manuling ya gilagid, a?" ngang Apu Masing, mangatilabsik pamo ing sapa king mama ng langut-langutan.

"Y Apu ku naman, kasal pu ing pisasabyan, ot naman rugu pati gilagid ning maging asawa ku, pasipat mu?" Y Aleli medyu alanganin yang mipakaili o mabusit king karakal na malyaring palawe Apu na manibat anyang asabi ng yana y Peter ing burian nang iarap king altar.

"Naydu mo era ka buring mipasubu king e masanting kabilyan, nya bayu ko pa man kasal, buri kung abalu nung manuling ya gilagid," ulit ng Apung Masing.

Aku naman, gang maybug naku naman mangutang, mibabata ku manenaya, mimisip murin obat gilagid pa ing pinuntirya ng Apu.

Ikami ngan atiu karin makatagun ala pang edad singkuenta, agnan agnan ginalapak king tutuki ming dindam.

"Kasebian at dakal ng mipaltutu karing kelalakyan manuling gilagid. Balitaktakan la kalaram, at ala lang metung a salita. Ela masanting panugali at malas na ning dalagang makaburi kaya. Anya ika Leling, nandin ku pa kukutang nung manuling ya gilagid y Pedru, a?"

"O Apu ko, ing buri mung sabyan, uling metuling ya gilagid king kasisindi ng sigarilyu, makanyan nya naman panugale?" memilosupu ya pa y Aleli. Sebayan mi pang mas masikan a galapakan, mangapaparak at sikaran bitis king lalam lamesa.

"Wapin naman pu, dang Masing," ngana ning metung pang darang kayumpukan, "Basta wari menuling gilagid makanyan na lawe karing lalake? O tanung palsintan neng tutu?"

"Lawen yu ne, ikayu ngan maindredus a makiramdam ngeni, ika Leling, ne sasabyan ku na keka, keng ala ya pa man edad treinta y Pedru, makanyan neta wari katuling gilagid king pamanigarilyu? Sulung ka king burian mu, aku babie ku mu ing ikit kung milyari king milabasan a panaun. Ikit kung adwang mata, tutu ing sasabyan da karing mangatuling a gilagid, ala pang minawa bie talasawa. Sana keka maliwa ing lakad ning panaun." Kaybat, tinikdo ne, bitbit ing palmaman, likwan at gilutan na kami.

Tinabug yata y Apung Masing, uling ding atiu karin, pati na y Aleli, "Apo! Apow, busten mu emu gilagid pati ngala-ngala na sipatan ku bukas mikit kami."

That was more than a year ago. A few weeks back, I met up with Aleli and another friend, our common tie, Angel Morales who came home to the Philippines for the Christmas Holidays. The first thing I asked was, "O komusta na? Linawe mu pin nung pati ngala-ngala ng Peter manuleng?" followed by the predictable next query if there was a baby yet. The answer was silence and a sad shaking of the head.

The marriage lasted only a few weeks. Aleli's credit cards were swiped empty by the husband after the civil wedding. The house which was shown and promised as their dream house to Aleli before the wedding didn't really belong to Peter; he was just the caretaker while the aunt was abroad. Even the balance to their grand r.s.v.p. wedding remains unpaid to this day. And the list goes on—of deception after deception, unraveling daily right after the wedding.

Eku maybug ayalduk ing kape, daig na pa ing mekintal ka king baya king dindam kung milyari. Adwang boses ing daramdaman ku kekaban kayarap ke y Aleli at Angel. Mas masikan keng daramdaman king kilub ning utak ku ing mamayus payus ng boses Apung Masing mangamanu kang Leling tungkul karing manuling a gilagid. Y Apung Masing ikit na bayu pa man milyari.


[About the author. Cecile Santos Yumul is a veteran award winning Broadcast Journalist, a visionary teacher (Most Outstanding Teacher of the Philipines in 1992), a nationalist (Most Outstanding Kapampangan for Education in 1993), an environmentalist, and a dedicated daughter. She has over 35 years experience in the field of arts as an actor, director, and author. She is a published writer (Woman's Magazine) of essays, poems, short stories, and social commentaries. She currently resides in Lakandula, Mabalacat, Pampanga with her Mother, 18 dogs, doves, and bonsais.]

-Posted: 6:12 AM 2/5/08 | More of this author on eK!
WHAT THEY SAY...

Nenette de Dios Capulong (of Westminster, Colorado, USA) writes...

Aray! you hit me to the bone with this article as you always do in every article. I wished Apung Masing was my apu in 1979. She is right! My mom said then, "lawen mo pa pamillya." It's good my daughter is lucky, Jeff doesn't have matuling gilagid. It's amazing ing salita da reng matua turns out true, no matter how unpractical we find it at first. My son-in-law cannot have matuling gilagid because he's half white . (Filipino dad and white Mom), what if he's half-black, can you ask Apung Masing about that situation. Am happy I raised my two boys well and definitely they don't have matuling gilagid. Can you ask Apung Masing what is the test on women so I can pass it on to my two sons? Thanks for your articles.

-Posted/Via Email: 2008-09-02 12:29:31 PDT



post Publish your comments...
Nextnext