cecile s. yumul
IMA, IKA MU KABUD
(Misulat ya ening kabengian 27 Setiembri 2013)

Ninu man anak beyit keti yatu
Ibat ya king dinayas ning Indu
Kabud linual na ka king masala
Mumuna mung paintunan ing salu
At pali ning susu katayid ning bie mu.

Ing pali at lambut ning salu nang Ima
Ika, aku, itamu ngan karin ka manikua
Kapasnauan king sakit emu na abata.
Kasuelung alang sukad ilapat kekang lupa
Manibat kayanakan ga'man ngening tinua.

Ing bawu mu, Ima, ing kabug ning pusu mu
Emu niang pagtumaila't kakandungan mu
Ua tutu at mengaragul misalbag king yatu
Mipalawut, mipaluat ing pamanuli tamu
In'ing siguradu tagunan ngan, kebaitan mu.

Numan miras gang alibutan mabilug a yatu
Nanu man karasan bie paintungulan ku
Kanawan at tagumpe, eman damdaman
King isip at kilub pusu muna kang sebianan
Ngening miyuli na't atsu king arapan

Kaulan daka makalapat king salu ku.
O Ima—uli ning kapibabatan mu
Pasalamat ku.
O Ima—king alang kapupusan a lugud mu
Pasalamat ku.
O Ima—king anggang sikanan bibye mu
Pasalamat ku.
O Ima—king sala mu patnubayan mu ku
Pasalamat ku.
O Ima—ika mi ngan anak a beyit mu
                    Binye me ing bie mu
Ika Ing Sala, Ika Ing Lugud. Ika Ing Bie.
Ima, Ika Mu kabud.
—Posted: 11:48 PM 10/12/13 by eK! | Post Your Comment!



About the author. Cecile Santos Yumul is a veteran award winning Broadcast Journalist, a visionary teacher (Most Outstanding Teacher of the Philipines in 1992), a nationalist (Most Outstanding Kapampangan for Education in 1993), an environmentalist, and a dedicated daughter. She has over 35 years experience in the field of arts as an actor, director, and author. She is a published writer (Woman's Magazine) of essays, poems, short stories, and social commentaries. She currently resides in Lakandula, Mabalacat, Pampanga with her Mother, 18 dogs, doves, and bonsais.
eK! is electronic Kabalen (http://eksite.com), a pampanga-based web-exclusive Kapampangan journal of ideas.Websilog - an open collaborative blog on kapampangan life and letters. about pampanga culture, arts, history, society, and politics.
Keni@Ngeni - your daily kapampangan media mashup: breaking news & reviews from pampanga, angeles city, central luzon, the kapampangan region, philippines & the world.
Versilog - new Kapampangan poetry.
Blogganisa - your kapampangan community blog slash guestbook slash bulletin board slash shoutbox slash forum slash post-it-note all rolled up into one meaty joint.
IndioTV - a kapampangan indie web tv.
Tiangge - shop kapampangan. support eK! by shopping from our amazon affiliate store.
Palengke - the kapampangan business and professional registry.
eKalendaryo - kapampangan events calendar.
eK! wiki - all about pampanga, philippines. profile and brief history of pampanga towns and cities: angeles city, clark, city of san fernando
eK! sponsors & partners - with passion and dedication, eK! sponsors, partners & friends support us and we encourage you to support them.