aida tanglao
TUNE KALAYAN
pebreru 2011
Ali ku makasulat, metudtud na ing pamanapse
ing pamaglalang kataya kaisipan mepagal ne
atin kayang ulaga ing susulat
atin kayang ibye mayap?
Manibabo kaya ing basque tamo
o catalan o nano? Makalitu
lipatlipat ya ing dila
gyaman ala nalu ring Kastila
salita nang tata ku
dapot yaku anak ku pa
balu kunang dinam la mu.

Antalu ngeni ring likwan ding bayani
ring turu rang lugud king sarili at kapara
nukarin ing lugud king balayan
king panyulung ning ketawan?
Ding mewala tamung kabyasnan
ding belwan katutubu mesamsam
karing dayung sinakup kekatamu
ali la panyalugsugan
nunge ding penakap da
ila pa ring paulagan?

Nanung ulaga ning kasalesayan
nung ini e taya gamitan aral
ikana king lugal ing mengapildis
karing pinilit migulis king disnan kabyasnan
miyune karing kekatang anas
agpang karing dila rang iberia metabas.
Bakit ila ding magi tang talaturu
kesa ila ding kekatang ituru
king bandi tang katutubu
dake tamu Tibwan Yatu?

Pikarine ya ing sarili
ali ya buring gamitan
pauli ning e wawangis karing maputi matilus arung
ing panyulat mung kebayitan?
Makabage king pamanapse
ning dila tamung sinese
dakal ya kalamnan belwan
kaylangan king ketawan makasaup
manulu, manyagip, lalalang?

E tamu pa akaket kapatad
ing sukat tamung pagmaragul,
e tamu pa abitasa
ding sangkan ning kasakitan?
Ila ring pamanakap
ning kekatang matwang belwan.
Ding kalutasan ding kasulitan
atyu la king kekatang kalinangan.
Malikid ka king pamamalut bulung
kesa king pamangamit plastik
keng pamamilad king pali ning aldo
kesa king pamanyilab pamanasuk
king pamamangan gule't bunga
kesa karing lalako pa inawa.

Ding bakang dela ring dayu lon munamu
king California ring dinat da
pigmulan ning pamanalili
ding katutubung pun tanaman
ngeni ding bunduk mengayalwa
likas bandi mengawala.
Kapampangan dayang asu
dakal ya buri sabyan
neng balang metung maki sangkan
metung mu ing tutu makanyan man:
mimisip tamu bayu mamintu
king mausta at makatao
muna ing lugud ketamu
ing eganagana tuki na ngan.


—Posted: 8:40 AM 3/4/11 by eK! | Post Your Comment!



About the author. Aida Tanglao is a U.S.-based Kapampangan Filipino American. She has lived and worked in different communities in Pampanga, Manila, and in Nigeria when the Philippines was under a regime of civil rights suppression. She studied in various public and private Philippine institutions, went to graduate school in Pampanga, and further attended local colleges in the U.S. Proudly, she is a mother of five and a grandmother to eight. Her personal and educational backgrounds provide the impetus for her to reach out and help in instilling cultural, moral, and historical consciousness among her people and in advocating correct child rearing approaches. She has embraced into her motherhood and patriotic obligations working for the Filipino's aspirations to spiritual and human liberation and contentment.
eK! is electronic Kabalen (http://eksite.com), a pampanga-based web-exclusive Kapampangan journal of ideas.Websilog - an open collaborative blog on kapampangan life and letters. about pampanga culture, arts, history, society, and politics.
Keni@Ngeni - your daily kapampangan media mashup: breaking news & reviews from pampanga, angeles city, central luzon, the kapampangan region, philippines & the world.
Versilog - new Kapampangan poetry.
Blogganisa - your kapampangan community blog slash guestbook slash bulletin board slash shoutbox slash forum slash post-it-note all rolled up into one meaty joint.
IndioTV - a kapampangan indie web tv.
Tiangge - shop kapampangan. support eK! by shopping from our amazon affiliate store.
Palengke - the kapampangan business and professional registry.
eKalendaryo - kapampangan events calendar.
eK! wiki - all about pampanga, philippines. profile and brief history of pampanga towns and cities: angeles city, clark, city of san fernando
eK! sponsors & partners - with passion and dedication, eK! sponsors, partners & friends support us and we encourage you to support them.