abel d. soto
ADWANG CAUATASAN
MIPANUANAN
Atin ca ping quebaluan tungcul quing qeucang sarili.
Ua, anti ya ping metung a magmaragul a gusali.

Iting gusali macatalacad ya quing siuala
na ning quecang pusung magtumaila,
at quing panaguimpan mung sucad
na ning caladua mung macaticad.

Cabucas
iting gusali
macatalacad ya pin carin.
quing metung a siuala…
quing panaguimpan mung sucad.

Ua, nuan ca, tutu ca ping mipanuanan,
uling quening gusaling canacung amanuan
alang atiu ninu pa man…
nun inia sa’t tutu ca ping mipanuanan
e ca mu pin micatmuan.
CAPICACUNUAN
Inusuc da cung iugse que iti,
macatuldu la caring daraya cung taliri,
e ra sicasu ing canacung panigapu;
ing amanuan cu e que man asabi,
at misicap ngan quening cacaung pusu.

Balu cung pagsisian que’iting aldo
uling e cu ne birianan pang misulapo.
Sicmal que’iti’t pibatan ing saquit
cabang pagcapilita; nang tando,
ing masucsuc nang lulanan libasan queng pilit.

Nung atalan que man ing pusu na,
nanu mo pi’ng maguing ulaga na?
Nung ring queraclan e ra naman iquit
ing degula’ning canacung caladua
o nung acu pete ra cu mang pilit?

E cu pagsisian iting canacung depatan,
bista man masaquit, agyu cung pibatan.
Uling ining inugse cu, maluat que mang sinicap,
quening pusu cu, maluat ya mang menucnangan,
dapot ya namang memigti caring canacung paninap.
—Posted: 10:48 AM 8/12/11 by eK! | Post Your Comment!



About the author. Abel D. Soto took up his certificatory double major course in Creative Writing and Performing Arts at Centre for Arts Foundation, Inc. in Quezon City. He also finished the Managing the Arts Program at the Asian Institute of Management in Makati City. He is a resident of Bacolor, Pampanga.
eK! is electronic Kabalen (http://eksite.com), a pampanga-based web-exclusive Kapampangan journal of ideas.Websilog - an open collaborative blog on kapampangan life and letters. about pampanga culture, arts, history, society, and politics.
Keni@Ngeni - your daily kapampangan media mashup: breaking news & reviews from pampanga, angeles city, central luzon, the kapampangan region, philippines & the world.
Versilog - new Kapampangan poetry.
Blogganisa - your kapampangan community blog slash guestbook slash bulletin board slash shoutbox slash forum slash post-it-note all rolled up into one meaty joint.
IndioTV - a kapampangan indie web tv.
Tiangge - shop kapampangan. support eK! by shopping from our amazon affiliate store.
Palengke - the kapampangan business and professional registry.
eKalendaryo - kapampangan events calendar.
eK! wiki - all about pampanga, philippines. profile and brief history of pampanga towns and cities: angeles city, clark, city of san fernando
eK! sponsors & partners - with passion and dedication, eK! sponsors, partners & friends support us and we encourage you to support them.