abel d. soto
ATLUNG POEMA
TAMBUBUNG
Parati nia mung mitatacas, ing poema.
E cu capilan milapit quing pamaniacap cu queca

potang pagcapilitan cung isulat da ca.

       Clara. Pabustan mung ita ing iyaus cu queca.
       Pabustan mung ilual da ca

quing bilungan a'ini. Pabustan mung isulat cu queca,

       ini nang poema ban palabasan mu na cu sana,
       cabang macaticad ca pa. Pabustan mu sana

ini mu mang pacli, caniting lugal na niting poema . . .

       milabas na cu queca.
PIBALE-BALE
Ding e-pa-mete atiu la caring lele-lele.
Daramdaman cu ing siuala rang mainge.
Gugulabac la ibat quing lalam na ning pitchil
a mitmu quing tamarindu. Ila ring misdil
a langitngit ning bentilador anting sirang baril.
Ila ring tata cung macasandal quing bangcu
a mamasa quing casali-sali pang periodicu,
ing maratnang manalbe tvng uali cu.
I atyi cu linuyung ya ban manalbe conciertu.
Metung neng bangque dapot iti e na pin balu.
Maniable ne mang imalan quilual i inda cu.
Metung neng bangque dapot iti e na pin balu.
Quing uanan cu, istanti yang lulanan pialungan.
Pegumasdan que iti at tutu queng penigaralan,
at ayalac cu ing atiu cu quing cacung tucnangan.
CAPANAUNAN
Iti ya'ing catutuan:
                 e que aquit ing bulan
quing banuang durungdungan
pablasang tutu yang mitatacpan
caring ulap a macapampan.
                 Pablasang ating bagyung tampalasan.

Iti ya'ing catutuan:
                 e ne daramdaman
ning balugbug cung maquiramdam
ing siuala mung ating sasabian
ban tutu da ca sa'ng aintindian.
                 Pablasang marayu ca cabilian.

Iti ya'ing calalangan:
                 maca-saque ya ing bulan
a malilili quing cayang pupuntalan,
cayagna'ne ning amanu cung pacamalan
a peparala cu queca, ban queca yang basan.
                 Pablasang "mig-txt" cu mu naman.
—Posted: 12:12 PM 3/8/11 by eK! | Post Your Comment!



About the author. Abel D. Soto took up his certificatory double major course in Creative Writing and Performing Arts at Centre for Arts Foundation, Inc. in Quezon City. He also finished the Managing the Arts Program at the Asian Institute of Management in Makati City. He is a resident of Bacolor, Pampanga.
eK! is electronic Kabalen (http://eksite.com), a pampanga-based web-exclusive Kapampangan journal of ideas.Websilog - an open collaborative blog on kapampangan life and letters. about pampanga culture, arts, history, society, and politics.
Keni@Ngeni - your daily kapampangan media mashup: breaking news & reviews from pampanga, angeles city, central luzon, the kapampangan region, philippines & the world.
Versilog - new Kapampangan poetry.
Blogganisa - your kapampangan community blog slash guestbook slash bulletin board slash shoutbox slash forum slash post-it-note all rolled up into one meaty joint.
IndioTV - a kapampangan indie web tv.
Tiangge - shop kapampangan. support eK! by shopping from our amazon affiliate store.
Palengke - the kapampangan business and professional registry.
eKalendaryo - kapampangan events calendar.
eK! wiki - all about pampanga, philippines. profile and brief history of pampanga towns and cities: angeles city, clark, city of san fernando
eK! sponsors & partners - with passion and dedication, eK! sponsors, partners & friends support us and we encourage you to support them.