oliver s. carlos
ING CATIMAUAN
Guliac ning ubreru; mipunlang cabyayan—
Agyang bangi mu sa miyapag qng dulang!
Akbung ing pequibat, api yang mataram
Balas lang cinutcut, libutad ding canuan!

Sindac a gulisac ring mengatacutan
Tigalgal la salu qng dayang cuculam;
Quirut ing sinanib qng digsang catauan,
Quing mepatang pusung e ne titibuc man.

Salung mengabusbus, sinubsub, migdugang
Dalan ning Mendiola, lele Malacañang
E maburang bacas, mibilad laruan
Catampalasanang e na macalinguan.

Singo ning palbura, linumlum qng angin
Pitik na ning oras saguling tiniguil
Pilit aninagan qng asuc ning lagim
Ing quesantungan na ning layun at nimdim.

Iniang mapaui na sulasuc a yasuc
Guliac a masican, macapangilabut
Quinablas king angin ing boses a paus
Alino cacaue quing daya rang saplut!

Lubas talampacan, sasacorung bitis,
Caretang mibulang; miyaglo sang mapis
Aplus quing sementung metina king kule—
Malutu rang dayang minagus king tete!

Iting casaysayan andat migugulis
O bakit cacatmu qng dayang mitiguis?
Pilming ating lua at bie mibubuwis
Quing catimaua' nang susuyu't lalambis!

Author's Notes: Adwa nang pulu't apat a banua ing milabas, macatalacad cu siping ning meangu-bie Attorney Valentino Nogoy, cambe ra ring malucang ortelanung delegasyun na ning AMC (Aguman da ring Maglalautang Capampangan)-San Luis Chapter. Estudyante cu pa canita, dapot daramdaman cu ing casaquitan na ning matua cung babaying maki-tanam, makipamalut at makipamagpag quing lawta ban queta atin cu mung pamayad matricula. Migmasabal cu qng macalunus dang cabilyan ding ortelanu... pablasang anac cu namang ortelanu. Adwa nang pulu't apat a banua ing milabas…e pa murin cacayap ing mignacnac a sugat.
—Posted: 8:51 AM 3/14/10 by eK! | Post Your Comment!



About the author. Oliver Carlos was born and grew up in the town of San Luis, Pampanga. He studied AB Political Science at the University of the East in Manila, but did not manage to finish it, not because of some difficulties, but rather because of his love of his country. He was kicked out of school because he spent most of his time in the streets with other nationalist youths, fighting against the rotten political system. He chose to stay in other people's houses and studied in the hinterlands with the poor farmers. In doing so, he met his future better half and companion in life. Now, he is one of the OFWs, trying his luck in foreign places to make both ends meet and to get his family out of poverty. Amidst all this, he keeps on looking back at his beloved country, especially his province, Pampanga.
eK! is electronic Kabalen (http://eksite.com), a pampanga-based web-exclusive Kapampangan journal of ideas.Websilog - an open collaborative blog on kapampangan life and letters. about pampanga culture, arts, history, society, and politics.
Keni@Ngeni - your daily kapampangan media mashup: breaking news & reviews from pampanga, angeles city, central luzon, the kapampangan region, philippines & the world.
Versilog - new Kapampangan poetry.
Blogganisa - your kapampangan community blog slash guestbook slash bulletin board slash shoutbox slash forum slash post-it-note all rolled up into one meaty joint.
IndioTV - a kapampangan indie web tv.
Tiangge - shop kapampangan. support eK! by shopping from our amazon affiliate store.
Palengke - the kapampangan business and professional registry.
eKalendaryo - kapampangan events calendar.
eK! wiki - all about pampanga, philippines. profile and brief history of pampanga towns and cities: angeles city, clark, city of san fernando
eK! sponsors & partners - with passion and dedication, eK! sponsors, partners & friends support us and we encourage you to support them.