marcial t. caniones
MCARTHUR AIWAY
MCARTHUR (ASPALTUNG ILUG AT SIMENTUNG UYAT)
Sinulung ku anggang mapali
Katirikan ning aldong pagtuan
Sinilung ku king matabang acacia
Nimnam ing kayang binyeng dimla

Pinara ke ing jeep
Malaut ya pa salusu yang magparada
Mipse ing alikabuk anting polbu king kakung lupa
Atlu kaming makasake at pundat-pundat la mata ring kakung abe

Kanyaman ing sapul ning angin
King kaba ning kakung biyahi
Agaganaka ku ing pengan kung adobu
Kabang bawan-bawan ko ring gamat ku

Kasala ning kakung biyahe
Ding kamatsyilis paspas-paspas lang bito-bito
Akwa ku atang mipatudtud bayu ku miras king St. Jude
Kaya paka talan ku king bakal a pisabitan

Ini ing metung kung kaswelu
Anti yang duyan kaku ing jeep
Kabang matundu kung paiglip-iglip
At pagising-gising kabang karing kantu ing jeep pa sagli-saglit

Ing barurut ning butsyu
At ing bau ning asuk ning diesel
Makasumami man alakung agawa
Kabang gewang-gewang ya ing jeep at paglindu-lindu ring aliwang saken

Maswelu ku karing tanaman king gilid ning dalan
Anti ka mong atchu king kweba pasuklab-suklab
Karing tangke dang makakaul king babo ning dalan
Ita mu pin ekuna akakit ing dating asikan

Ing dating palayan ngeni halus
Pabrica
Ardwer
Sabdibisyon
Supermarket
Gasulinaan
Allowblaksan
Pisamban
Sambaan
Restawran
Sabungan
Karaokehan
Coke
Pepsi
San Miguel

Kaybat magsikan la pang lub pamututan do reng tanaman?
Alti yu!
Milako ku tundu king kekong kalokwan!
AIWAY (ALANG DALAN ING PANINAP)
waves of heat glare
from the asphalt road
like mirrors
of dreams
hazy
path straight?
maybe
bends there'll be
be quick
right
or
left
be sturdy
roads, too, end
be ready
for next time
it might be flight
an endless
travel
of loops
of ups and downs
no lines!
all paths
lead the same
anyway
—Posted: 2:36 PM 5/6/10 by eK! | Post Your Comment!



About the author. Marcial Tayag Caniones, a Political Science graduate, is assistant manager at the Community Extension Services Office of Clark Development Corporation. He was born on the 10th of July in 1965, became vegetarian when he was 24 years old, started serious reading when he was 32, and began writing at 39. He admits to being ugly but claims to ooze with sex appeal.
eK! is electronic Kabalen (http://eksite.com), a pampanga-based web-exclusive Kapampangan journal of ideas.Websilog - an open collaborative blog on kapampangan life and letters. about pampanga culture, arts, history, society, and politics.
Keni@Ngeni - your daily kapampangan media mashup: breaking news & reviews from pampanga, angeles city, central luzon, the kapampangan region, philippines & the world.
Versilog - new Kapampangan poetry.
Blogganisa - your kapampangan community blog slash guestbook slash bulletin board slash shoutbox slash forum slash post-it-note all rolled up into one meaty joint.
IndioTV - a kapampangan indie web tv.
Tiangge - shop kapampangan. support eK! by shopping from our amazon affiliate store.
Palengke - the kapampangan business and professional registry.
eKalendaryo - kapampangan events calendar.
eK! wiki - all about pampanga, philippines. profile and brief history of pampanga towns and cities: angeles city, clark, city of san fernando
eK! sponsors & partners - with passion and dedication, eK! sponsors, partners & friends support us and we encourage you to support them.