NUNG BAKIT KU MEKO
Dakal la ring mangutang
nung bakit ke likwan
ing makayamang berdi at tsuklating
gabun ning balen kung mandilu
king uma ning ambun.
Karin ding lalaki
maglasing lang alang malan,
palmuran de ing aldong alang-lunus a
menyilab kareng pusu da, at
mangaynang kasalpantayanan.
Migigising la king ganing-aldong mumusuk,
king makalilyung bau ning mamaras-maras a sigarilyu,
at mangalutung a ayli ring babaing magtina buwak,
dapot ing pangule da masiglang kalawang.
Karin ding anak lulusung do ring galisan dang bitis
king labak ning mengasayang a panaun.
Eku maglaram.
King salu ku makasabit ya ing tsapa,
king lupa ku ing peklat.
Ing pamaglako kaku ne ping tatak.
Mapilan a malan,
at manulung bolpen—
oreni mu ring inimpake ku,
pilan na ring banwa ing milabas.
Anak ku pa kanita,
at kaputul ing pamagkamali.
Siguru ikwa nakung peburen ning kakung balen
at sinukliyan kya mu namang sukal a lub,
dapot mas lalu keng liguran.
Dakal la ring mangutang
nung bakit ke likwan
ing makayamang berdi at tsuklating
gabun ning balen kung mandilu
king uma ambun.
Eku maglaram.
King balen mi sisibul la ring dakal
a ali mipaindatun:
oyni para kaku ing tutu,
at oyni mu ing katutuwan.
nung bakit ke likwan
ing makayamang berdi at tsuklating
gabun ning balen kung mandilu
king uma ning ambun.
Karin ding lalaki
maglasing lang alang malan,
palmuran de ing aldong alang-lunus a
menyilab kareng pusu da, at
mangaynang kasalpantayanan.
Migigising la king ganing-aldong mumusuk,
king makalilyung bau ning mamaras-maras a sigarilyu,
at mangalutung a ayli ring babaing magtina buwak,
dapot ing pangule da masiglang kalawang.
Karin ding anak lulusung do ring galisan dang bitis
king labak ning mengasayang a panaun.
Eku maglaram.
King salu ku makasabit ya ing tsapa,
king lupa ku ing peklat.
Ing pamaglako kaku ne ping tatak.
Mapilan a malan,
at manulung bolpen—
oreni mu ring inimpake ku,
pilan na ring banwa ing milabas.
Anak ku pa kanita,
at kaputul ing pamagkamali.
Siguru ikwa nakung peburen ning kakung balen
at sinukliyan kya mu namang sukal a lub,
dapot mas lalu keng liguran.
Dakal la ring mangutang
nung bakit ke likwan
ing makayamang berdi at tsuklating
gabun ning balen kung mandilu
king uma ambun.
Eku maglaram.
King balen mi sisibul la ring dakal
a ali mipaindatun:
oyni para kaku ing tutu,
at oyni mu ing katutuwan.
—Posted: 9:30 AM 5/12/12 by eK! | Post Your Comment!
| About the author. Joan Ariete was born and bred in Lubao, Pampanga. She earned a bachelor's degree in Journalism from the University of the Philippines-Diliman in 2004. She worked as a junior writer for Summit Publishing's YES! Magazine from 2005-2006. Some of her poems have been published in the UK-based journal, Modern Poetry in Translation. She is currently collaborating with a friend on a photo-documentary featuring the Burmese community of New York. She lives in New York City. |
