eK! is electronic Kabalen (eksite.com), a web-exclusive Kapampangan journal of ideas

tony mercado peña
tony mercado peña metung kang tinubung tanaman danuman
king pampang ning ilug o dalan pasigan
bunga mung malulut manyaman panaslam
lalu na nung sigang kanduli ing ulam.

malabung mung bulung ayup sasalilung
king pali ning aldo, king patak ning uran
makanyan mu naman metung a manasan
lalam ning lilung mu paynawa ing kalung.

e ku no akapkap kumpul alitaptap
masalang aslag da masanting sambulat
antimong korona palibut palapat
mitda nang lubusan ing karelang kislap.

ngeni nukarin ka e raka akakit
mabilug a ilug ala nang palapat
gisa'nong pematpat taung alang sabal
penangab naka mu saka gewang sukal.

lubus kang megisan inyang mugkang mukyat
Bulkan Pinatubu abu nang bubusuk
minagus king ilug saka menyaluksuk
pete neng impun mu ampo na ing uyat.

potang miyagum la ding tau at bulkan
dugpa ya ing alti king lati at sakan
ala nang mitagan nune sukal a lub
pamanang malangi king bukas a lungub.


We are living witnesses that trees and birds (flora et fauna) are wantonly destroyed by nature and acts of man, uncaring for Mother Earth's environ as well as our children's future.

Aliwa mu ring palapat at alitaptap ding mewala o mawawala. Certain traditional treasured societal values have been transgressed by modern culture. Kanita pangaras ning alas 6:00 ning bengi tigtigan no ring kampana at ing mabilug a pamilya makasiklaud ne at pangadian ing Orasyun (Angelus). Ngeni ing bayung altar yapin na ing colored TV


[About the author. Tony Mercado Peña is a bilingual writer, in English and in Kapampangan. He hails from Sasmuan, Pampanga. He has been accorded various literary awards such as First Place in the Tagisan King Poesia hosted by Gawad Komisyon 2007, Republika Ng Pilipinas at the Bayview Park Hotel, Roxas Boulevard, Manila, where he introduced a couple of poetic genres, tanka and haiku, in the vernacular literature. He was also bestowed the Most Outstanding Kapampangan Award 2007 (MOKA) in Culture at the Arts at City of San Fernando, Pampanga. He charges his pen with the redeeming literary significance to resuscitate his dying language back to life. His "K" poetry is a galvanizing medium, a mighty weapon battling the lingual windmills that overwhelm the Kapampangan nation.]

-Posted: 9:30 PM 6/11/09 | More of this author on eK!
Nextnext