eK! is electronic Kabalen (eksite.com), a web-exclusive Kapampangan journal of ideas

tony mercado peña
tony mercado peña menabung bulung ning napun
bilak mikutkut king marimlang impun
balang bulung agtalan ne ning lumbe
kauma ning bulung king maung gabun sabe
ating musbung, kadalusdus ning lua ku
ating lalsut bayung tanaman... bayung aku!

ala kung sapat a amanu
para palambutan kekang pusu
sikan a lub ala ku naman
para maglubid kalaraman
e ku makalalang poesya kapilanman
nung nukarin ding sampaga mamukadkad la
atin ku mung dayat katmung mababo a kataya
sapat mu bang kanita isiwala
ing pekamalalam kung kapilubluban!

Bustan mung ume ku kambe daka
king pekamadulum nang karinan
ning kekang kakewan.
E ko buklat ding mata mu
para mu manakit kang gulisala .
E ku gawan, e ku agawa.
Dapat ipiyak kula naman ring mata ku
kanita kasangga dakang pibatan ing dalumdum!

* Linikas nang Peña ibat keng poesya na ning anak na sinulat ne ing keng lalam anyang 16 banwa ya.

---

[katrina arcilla peña] katrina peña

reveries

reveries, fallen autumn leaves
at an icy beginning: open graves
every leaf of memory falls as i weep and
as soon as it touches the ground
my tears flow upon it, it blossoms
as a new tree... a new me blooms!

i don't have the words
to melt your heart
i don't have the guts
to tell you lies
i can never write you a poem
where flowers bloom
all i have is a sea of shallow words ,
enough to express
the deepest within me!

Let me go with you
into the darkest part
of your forest.
I won't say I'll open your eyes
for you to see a spark .
I can't do it.
Instead, let me close my eyes
and together we will endure the darkness.


[About the author. Tony Mercado Peña is a bilingual writer, in English and in Kapampangan. He hails from Sasmuan, Pampanga. He has been accorded various literary awards such as First Place in the Tagisan King Poesia hosted by Gawad Komisyon 2007, Republika Ng Pilipinas at the Bayview Park Hotel, Roxas Boulevard, Manila, where he introduced a couple of poetic genres, tanka and haiku, in the vernacular literature. He was also bestowed the Most Outstanding Kapampangan Award 2007 (MOKA) in Culture at the Arts at City of San Fernando, Pampanga. He charges his pen with the redeeming literary significance to resuscitate his dying language back to life. His "K" poetry is a galvanizing medium, a mighty weapon battling the lingual windmills that overwhelm the Kapampangan nation.]

-Posted: 5:26 AM 6/1/09 | More of this author on eK!
WHAT THEY SAY...

Rox Peña (Philippines) writes...

Hi Tony! I'm Rox Peña, also a contributor of eksite and a regular columnist of Sun Star. I heard about the Peña's of Sasmuan and Im trying to trace if we, the Peña's in Mabalacat, are related to you. I hope we can communicate or even meet and together trace our roots. Pls. email me at rox_pena@yahoo.com. Ditak tamu mung Peña keti Pampangan. Rox

-Posted/Via Email: 2009-06-01 16:46:48 PDT



The author Tony Peña (of Sasmuan, Pampanga, Philippines) writes...

Rox, Ating kasebyan, "true family rarely shares the same blood!" Palage ku Rox e na maulaga nung ding sanga ta metung la pipumpunan! ing maulaga yapin ing (kayabe no ring talasulat king eK!) metung ya kule ing mamagus tamung tinta karing pluma tamu!

Atyu ku keni Bicol manuknangan, magobra, mangabyayan. Keng tutuking magbakasyun ku kekatmu panikwanan kung mikit-ikit tamu ban kanita lalu yang maging matigik ing pamisanmetung tamu king lagyu ning kultura at literaturang Kapampangan!

Rox, potang mikit kata sana kalutkutan ta ing sanguine relation ta!

-Posted/Via Email: Tuesday, June 2, 2009, 8:49 PM



Papa Osmubal (of Macau) writes...

Kalambat tamung menenaya! Oyni na! Deng matenakan mangaPampangan mamandatang nalang tunggal-tunggal! Salamat naman at kayabe ta ne i Kong Tony Pena keng eK! Kayabe ne pa ing anak na. Masiglang pamanyagana pu kekayu, keti eK!

-Posted/Via Email: 2009-06-04 01:23:48 PDT



The author Tony Mercado Peña (of Sasmuan, Pampanga, Philippines) writes

Luwid ka Oscar at dakal a salamat keng pamanyalubung mu! Atin nang migit limang (5) banwa manibat inyang mumunang miyugne la ding kekatang pluma. King e sasaryan a pamitagun, akwa da na namang miyakit pasibayu keni king eK!

-Posted/Via Email: 2009-06-08 19:41:54 PDT



post Publish your comments...
Nextnext