eK! is electronic Kabalen (eksite.com), a web-exclusive Kapampangan journal of ideas

aida tanglao
aida tanglao KAPAMPANGAN KU! Mislag ka, Kapampangan! Pagmaragul ku ing Kapampangan ku. Salita at pamagat lelangan da ring mangasipag a kabalen. Nung bakit mo pin ali ya matula king ibatan at nunu ning balang metung a Kapampangan neng ding kabalen na manimuna la king pamanyulung ning kapulwan da.

Lindo Pineda Jr., Ivan Henares, at ngeni ing Governor of the Philippine Central Bank, Amado Tetangco, manikwa lang galal at pamangilala karing depat da king ketawan, amlat, pamanibala king galo ning salapi Pilipinas. Ning ali magmaragul at saya pusu karing makanining balita. Ning ali makaganaka anyang misasanmetung tamung ilage yay Among Ed Panlilio bang paslag ya at ibalik ing kapagmaragulan Kapampangan?

apl.de.ap, e mengalingwan king gabun nang tibwan, ing binatilyung abe ring teterak lele palengki Angeles kanitang anak la pa, ngeni bantug ya mabilug yatu. Menikwa kami mong kwentu dikil keya kapilan pa karetang akakayabe na Hollywood. Asme pa kanu kaisip neng manyali ya, kawangis ding dakal manintun yang murang panyalwan. Ali ya pala maburi king mangamal gamit. Metung karing aburi rang ugali nang Lindo retang kakaluguran na. Simpli ya pa mu rin Kapampangan. Lwid ka, Lindo!

Ikit ke ing larawan ding 2012 TOYM Pilipinas, ngaku balamu kilala ke itang metung pa; kabukasan ku pa abasa ing lagyu ra, aba, i Ivan Henares pin pala itang akikilala ku lupa. Bage mu Ivan, masampat at makatulid ya keka ing galal! Masipag yang anak. Manimunu kikimut yang agad. Ninu pin mo ing gawa karing pemangawa nang Ivan Pampanga o mabilug bangsa nung ali mika Ivan Henares ? Maulaga king ketawan ing pamanyimpan king pamana. Reni abe nala ning balitang ning panyulung ning pamagaral at pamangilala king sarili ning balang Filipinu.

Ing punu ning Central Bank, Amado Tetangco, kabalen tubung Apalit, pagmaragul dang bina ding kaklasi na Don Bosco lakwas nalang dininan sangkan magmaragul ding keyang kakaluguran at kabalen. Menikwa ya pang dagdag galal anting matenakan king pamanalan at palakad ning pera Pilipinas. Ding dayang merdikas, saslag la yatu!

Lwid kayu!

[About the author. Aida Tanglao is a U.S.-based Kapampangan Filipino American. She has lived and worked in different communities in Pampanga, Manila, and in Nigeria when the Philippines was under a regime of civil rights suppression. She studied in various public and private Philippine institutions, went to graduate school in Pampanga, and further attended local colleges in the U.S. Proudly, she is a mother of five and a grandmother to eight. Her personal and educational backgrounds provide the impetus for her to reach out and help in instilling cultural, moral, and historical consciousness among her people and in advocating correct child rearing approaches. She has embraced into her motherhood and patriotic obligations working for the Filipino's aspirations to spiritual and human liberation and contentment. (Metung miparayung Kapampangan mamasa king pamanapse na king Amanung Siswan makayambag yang ditak mu man king kasulung ning ketawan)]

-Posted: 8:00 AM 13/1/16 | More of this author on eK!
Nextnext