eK! is electronic Kabalen (eksite.com), a web-exclusive Kapampangan journal of ideas

aida tanglao
aida tanglao PAGSISTI RE'Y PNoy, ali ya kanu agad linto king albug. Yaku man penintun ke. Buring akit mamye amanu, lunto telebisyon mamye salitang makasikan lub, mantabe karing lalbug.

E kaylangan munta pa king danuman, swala namu masampat nang mamye sikan lub karing tau. Lakwas na neng ing "security" e siguradu king kabilyan ding lugal ampo ning panaun.

E tamu balu, pota ali ya rin map panamdaman ketang panaun ayta. Ibat ya pa pilan marayung bansa, America at Japan. Anti yang bagyu, sinulapo, megobra karin. Memagligwa bangkanita e dakal a gastusan ing gubiernu at ding bossing na.

Tau ya mu y PNoy, papagal, sasakit—sayang o salamat ali ya robot. Metung pa, reng matwang bayung tau lakwas na neng megi lang anting tata ding meulila, matipid byasang gumamit karing pera. Neng bayu yang tau, ala ne pang lambing-lambing, at neng talasuyu re ring tau obra na pa bayu litratu.

E tamu pa sukat kalingwan metung sinabi nitang sadya nang babaying kaluguran, misan inaus ne kanu pauli ning ami-miss ne, pekibat na kanu ning senador kanita, "Ita mo, inaus mu ku libutad ning meeting bang sabyan mu mung ami-miss mu ko?"

Den taung ala pang anak, lakwas na ata ring lalaki, o nung ing obra ra makapildis karing psychology at kawangis obra na, kimut kesa king panamdam o emotion ing pulayi ning pamisip da. Ala na pang symbol-symbol lakwas na nung ing kabaldugan ning symbol camera ya't larawan karing talastasan.

Ganakan bayu pa ining albug, nung lako ta ing amnesia at makuyad a memoria, kalukluk na pang PNoy, ing suliranin ning albug ya na pin ing kakatakutan na. Ala la pa ri Pedring ampo'y Quiel ginawa neng balangkas na'ng sukat daptan. Pauli ning ikit na at delanan kang Ondoy. Pilan nang bulan pin abasa tana ing pamalak ning keyan kabineti.

Kapampangan ya y PNoy, ing kasaup nang Water Czar, Secretary Rogelio Singson, anti ya namang Kapampangan. Byasa yang Kapampangan ing Water Czar, at king panamdam ku byasa ya naman y PNoy. Mayayakit ini neng manaGalug ya. Tagalug matwang kaybat panaun Kastilang Kapampangan ing damdam ku king salita na.

Ing PNoy miwangis la mekad ning panwalan nang kasaup. Ela maburi king mababo, dapot malalam la kapanwalan at telakaran. Atandanan ketang memugbug yang civil servant itang mayor ning Davao? Minta yang alang bali-balita ing kasaup nang PNoy karin, intabayanan ing me-stressed a mayor. Alang papogi o press release pamu kinimut yang e piyadyan ing Panbangsang Pamaalan.

Ining Matulid Dalan gagawan ning pamuntuk ngeni, ali nala gagamitan ding tau—susuywan nala. Pamintwan nala ding boss na. Pamaligwanan yang makayari ing pangulo, anya ali ne bisang gagamit penandit king oras nang makapalto kalutasan karing arapan a kasakitan. Neng ikatamu ing bossing, ali na mekad lulub king ukul nang manaya tamu pang lambing.

Kilala yang marakal a pera ing lalawigan Kapampangan. Tatalangan de ring aliwang Filipino pauli ning masikan nang pangabagwa kaybat ning Pinatubo at pamaglako ra ring Amerikano Clark Field. Anya ali masakit kanini ing manalakad pituknangan dang pansamantal ding miyalbugan.

Keng pamag-inakit ding aliwa at pamagsisti ra ring pilan meyakit king:

1.Kaluguran taya y PNoy.

2. Marakal pa kekatamu mangalag pa pangatali karing mengalabas a mangayupaya at masikan manuldung mamuntukan.

3. Ali ta pa miyawat king babansagan a imperial Manila, makananu man karakal ing balas at sikan ning quarry Kapampangan.

Matibe ya at matatag ing Kapampangan, ali mi kalupang miparayu na agad nang mikakarugan karing darala nang subuk ning Gabun Tibwan. Mangadi kami at migaganaka, karame kami pu king daralanan yu. Lakwas na ring tau Makabebe, Masantol, a daranas banwa-banwa kanini pilan nang pulung banwa kanyan. Ali mu ngeni milyari karela ini. Map ngeni mipansinan nala.

*

Related online topics: Kansai International Airport, artificial island, ken pung Wikipedia. Lessons in constructing strong columns and walls in the sea. (Isip-isipan ku nung deng tatalakad dang pader/dalig panyagka king danum makaugis lang anting eran. Mekad basic ini keng engineering, gewa ra naman siguru karetang seawalls ning dalan Roxas, Menila, alimbawa.)

Flood Control in the Netherlands, king Wikipedia at aliwa pa.

Professor Robby Tantingco's article "People from the Riverbanks", where we can trace and get guidance in bringing back our ancestors' scientific and commonsensical knowledge in commanding nature. They obey it. Salita na pung Francis Bacon, nung eku magkamali, "The best way to command nature is by obeying it." Mebyasa ya kasi kari Leonardo Da Vinci ampong Niccolo Machiavelli ketang iyalis de sa dalan ing Arno River, Italya.


[About the author. Aida Tanglao is a U.S.-based Kapampangan Filipino American. She has lived and worked in different communities in Pampanga, Manila, and in Nigeria when the Philippines was under a regime of civil rights suppression. She studied in various public and private Philippine institutions, went to graduate school in Pampanga, and further attended local colleges in the U.S. Proudly, she is a mother of five and a grandmother to eight. Her personal and educational backgrounds provide the impetus for her to reach out and help in instilling cultural, moral, and historical consciousness among her people and in advocating correct child rearing approaches. She has embraced into her motherhood and patriotic obligations working for the Filipino's aspirations to spiritual and human liberation and contentment. (Metung mesikan lub sumulat mikudta karing malilyari yatu i Aida Tanglao. Miparayung anak ning Balen Kapampangan ban ding supling mirinan lang maslag a arapan. Mekabitasa ngening labi neng metung tubu ing layi, mitimawa mika-penandit misip pansarili libutad ning dakal sumbagal ampon sukal ning kapaligiran, milabas at salungsungan. Maninap king ding babayi mitimawa la’t misanmetung bang ding sabla mipasno ngan.)]

-Posted: 10:10 PM 10/10/11 | More of this author on eK!
Nextnext