eK! is electronic Kabalen (eksite.com), a web-exclusive Kapampangan journal of ideas

aida tanglao
aida tanglao MAGUGULU YA ing Yatu. Pauli ning bina neng ali timbang. Maybug nalang mabut banwa ding pera at bandi ra ding pilan mu, dapot ding marakal tiktak nalaman kakalulwan. E tana asabing ala tamung pakyalam. Nukarin tamuman mibanda, malyap, alang katatagan ing kabilyan. Yang papalakwan Ombudswoman, ing Pekamatas Ukuman, Supreme Court a keragul kung tatangalan. Yang COA a babante karing kwenta ning balayan, ali ra ne ata apagmaragul ding magobra na. Atlu lang bage-bage malyaring magi sangkan ning ali tana balu sabyan Pilipinas.

Ding mababa lub, mangalating dake ning lipunan, ila ngeni ding lalto bayani at mayap memalayan. Agyang dakal karing matenakan talasuyu danala mu ding mangaragul miagum-agum a bundagul baliwas o panakitan. Mayayakit la metung mu ayus, pangasukle bwak, kule susulud. Balang pilan oras, tuknang la pang magobra dapot ali nala mamako king tukluwanan dang pagobran. Tatas danala ding gamat, kilikili ra, padurut ding papalwan dang agnan-agnan kayagnan ning tigtigan mararandam. Mekad atin aliwa mayayama lang manalbe karing butit ding talapagobra. Neng balamu mig-arimwan lang ginamit tela karing palda ding kabaru. Ah, Aldo re ding Kabaru napun, nung kapilan ke pigmulan ining pamigunamgunam king kabilyan ning ketawan.

Mekad ding pilan karing kabalen mabelwan karing kalalangan kabyayan mibabalik nala neng magugulu na Libya at aliwang lugal disan da anting OFW.

Bakit mo sa ding iyugse saken, eroplanu keni Amerika, ken kekatamu apapapulayi, apapasulapo dala pa. Ining kinwentu nang Tonette Orejas ining mibayit Bohol, lugal ding dakal a mangaganakan kabansa, mamayun ku bayani yang tune pin man. Pablo Lasprilla, Jr., maglarin makinang eroplanu sundalus ning Pilipinas Clark. Metung ya karing taung masampat mung mibabayaran dakal.

Agawa kaya ing ali tanala dirinan lugal, papakit parandam karing anak ding darapat terorismu/kapusakalan kalupa ning pamanako, pamanakap katutwan karing piyabutan balita. Aganaka ya kanini ing Sadyang Punu ning Lalawigan Kapampangan Among Ed Panlilio. O bat ya at ding kawangis nang megin malinis memaala ilang limbug karing panimanman ding tao ata? Bakit ali re kaya papasaupan king pamanalakad Dalan a Matulid ? Bakit ali la ikalat ding gewa nang mayap pamalakad at makabuklat a kwenta, good governance and accountability, kanita apusan dala mabilug kapulwan Pilipinas.

Ding anak a kakatmuan tang mangarinat a balita, papalawe karing larawan da ring makasalanan bina. Kesa kanini dinan lang lugal pipamyalungan mabyasa; mangudtang kawatasan, tigtigan, dalit; mangulis larawan. Pasiknangan pamikatawan karing slides, swing, monkey bars. Ding matwa gamit pakasikan katawan. Pipuntalan nung nula mananam gule. Kanini abitasa nung makananu yang paulagan ing bye, ing balang inawa ning balang lelangan; tanaman, ayup, asan, lakwas na ing tau. Amphitheater o pilalagen pititigtigan ding banda at aliwa pa mayap lang pamanupad katuliran da rin memalen lakwas na ring anak.

SM king pusad ning Lungsud San Fernando? The Henry Sy Central Park of San Fernando City, Pampanga pu ing kaylangan ban lakwas sumulung ing pamibyebye. What a lasting memory and immeasurable legacy would that bequeath to humanity. An achievement that will very much help hinder the outbreak of revolutions of the poor against the rich and those who are and have been in power. A deterrent to the commission of crimes like graft and corruption and other violent acts. The Henry Sy Central Park in San Fernando City, Pampanga will help develop the brain, body and soul of both children and adults.

Bill Gates No Longer World's Richest Man After Giving Away Billions

Nung pasibayu tamung misanmetung king pangadi kalupa kanita alang paninap a ali na pagkalub ning Mayupaya. Nung ing pangadi nang Cardinal Sin, ding madre, ding Protestanti, Iglesia, at aliwa pa asagip dala ding tau karing mituknang a mamaril at mamomba sana karing mag-People Power—ini pa kaya ing ali da pagkalub king Malagung Pilipinas?


[About the author. Aida Tanglao is a U.S.-based Kapampangan Filipino American. She has lived and worked in different communities in Pampanga, Manila, and in Nigeria when the Philippines was under a regime of civil rights suppression. She studied in various public and private Philippine institutions, went to graduate school in Pampanga, and further attended local colleges in the U.S. Proudly, she is a mother of five and a grandmother to eight. Her personal and educational backgrounds provide the impetus for her to reach out and help in instilling cultural, moral, and historical consciousness among her people and in advocating correct child rearing approaches. She has embraced into her motherhood and patriotic obligations working for the Filipino's aspirations to spiritual and human liberation and contentment.]

-Posted: 10:01 AM 3/15/11 | More of this author on eK!
Nextnext