eK! is electronic Kabalen (eksite.com), a web-exclusive Kapampangan journal of ideas

aida tanglao
aida tanglao NANU YA ing Lugud? Mayap ya't makapanaun pisabyan ini neng panaun at bulan na ngeni ning pusu, ning lugud. Bulan nya naman ning kebaytan da ring dakal a meging pamuntuk ning Bangsang Misanmetung Amerika. Bulan ne ning pangalto ra ring adwa kung anak. Bulan ne ning Pun Batas ning Pilipinas. Bulan ne ning pangabayit ning Tata ning Pun Batas a mesabi, ing Meanguabye Senador Claro Mayo Recto. Bulan ning Pangayari ning Kelan Kalayan Politika Pilipinas at ing Pangalto ning Pamunu ning Joan of Arc na, ing Pamuntuk Corazon C. Aquino. Lakwas pang atatandanan bulan ne ning Apung Birhen Lourdes, ing pepalto Mal a Birhen kang Santa Lucia. Ing Santang memye rosaryu king megi tang Presidenti Cory Aquino.

Aldo neng Santo Valentino. Aldo re deng Lulugud. Ninu deng lulugud? Dakal lang yaus king lugud, mamagpang ini nung kaninu la makaukul.

Ing aldo ayni dikil ya king lugud a pekamasakit ilarawan o dinan kabaldugan king amanu. Nanu ya ing lugud? Bakit aluguran mune mu kabud ing taung ali mu man sadyang kilala? Makananu ya ining tutubu, daratang king katawan, kaladwa, panamdam at pamisip?

Bakit ating taung asmu kakabang panaun mikautus, mikalugud, payapa, ala lang pamipate miyayabe? Bakit ating sasabing mikalugud dapot mipapate lang maralas oneng ali la mikakawani?

O ring inda, ding apu, balu re pa kaya ing lugud? Malambat dane ining panamdaman at babye karing anak at aliwang kamaganak, kakaluguran at kapara. Dapot itang lugud a buri ra, paninapan kanita pa, ikit dane kaya at alalasa ngeni atyu nala king ketwa?

Atin yang idad ing lugod o sinta? Atin yang pangayalwa king sinta at lugud ding anak?

Nung ing lugud at sinta king yang tau, ing makatud a pakibat kalupa ning tau ing lugud at sinta e lalawen king bilang ning banwa. Ing lugud neng panamdam ya't ulaga e abilang o akawani anting bage gagamitan.

Neng bina yang makamal ing lugud masakit yang tungen o awsan. Kawangis ding anak ing lugud maralas datang ya naman king atyu twa king e na piyadyan at penaya. Panakit ku kabud nemu lulub pusu, anya ing makikatawan mismu e na balu ing miras king panamdam na.

Makanyan ya pala ing metung nang pakibat nitang kutang a nung bakit angang mabye ka magaral ka at magpakabyasa. Mekad e na lambat ing belwan king lugud makwa ya at apilasa.

* February Is When Love Springs

Spring season is here, the springing out of new leaves and blossoms. The strengthening of baby birds' wings. This morning I heard the wake-up call of a bird. A moral boosting call to her young who are afraid to move on, fly and leave the nest of their birth. The place of their beginnings, the source of the love which gave them life. The cradle of their learning, where breath was started and happiness first felt.


[About the author. Aida Tanglao is a U.S.-based Kapampangan Filipino American. She has lived and worked in different communities in Pampanga, Manila, and in Nigeria when the Philippines was under a regime of civil rights suppression. She studied in various public and private Philippine institutions, went to graduate school in Pampanga, and further attended local colleges in the U.S. Proudly, she is a mother of five and a grandmother to eight. Her personal and educational backgrounds provide the impetus for her to reach out and help in instilling cultural, moral, and historical consciousness among her people and in advocating correct child rearing approaches. She has embraced into her motherhood and patriotic obligations working for the Filipino's aspirations to spiritual and human liberation and contentment.]

-Posted: 9:43 AM 2/16/10 | More of this author on eK!
Nextnext