eK! is electronic Kabalen (eksite.com), a web-exclusive Kapampangan journal of ideas

aida tanglao
aida tanglao KATATAULIAN MISULAT king gintu ing sukat mu't masampat:

"Why change the system, politicians might ask? Dynasties help make things happen; they are a source of both cold cash and warm bodies. Besides, some of them may say, not all dynasties overreach like the Ampatuans. Maybe, but the reality is, dynasties—already outlawed in the Constitution, but still needing enabling legislation after almost 23 years—make a mockery of the democratic promise. A real political party system, funded in part by membership dues and in part by government counterpart funding, will allow any individual, regardless of pedigree, to rise through the political ranks. Without it, most Filipinos who want to run for political office will have to cultivate personal popularity, or marry into a political family." ("Dynastic Republic," Philippine Daily Inquirer Editorial, December 17, 2009)

Neng ing pamaalan ding malda o demokrasya megi neng pamaalan damu ding mapera at nung dening mapera ali rane balu salat ing gabun tamung tibwan, ala nang mayayakit a sala king sepu ning kweba, (mekalinguan ne king utak ku ata ing katulid ning "tunnel" anya "cave" na ing gamitan ku). Ala sanang marok nung ding mabandi ilang makatagal neng alalan anggang balu ra at pauna ing pamangaylangan ning balayan. At ini babye ra at pauna ing panmaldang kayapan ("public good").

Dapot nung ding anak ding marakal karing atinan ali la sinane king map a pamunu, nung ding ulaga at panugaling makatau at maka-Dios ali la midukit karela, makananu lang makyabe politika? Malyari lang makyabe, wa, dapot nanung kalwalan ning pamamuntukan da? Ing milyari Magindanao metung yang maragul pakibat. Kakadwa ya ing Pampanga. Ala, ala kanung bisang tagal mamuntukan kening lugal da ring pamalagwan dang mangayabang a Kapampangan. Bandang tawli ata metung nyamu ing mitagan a mayabang karing Kapampangan; Pari yang mayap ning Pisamban Katoliku, Eduardo T. Panlilio. Ali ko ausan mayabang ding katungali ra, pota rugu mimwa la. Kening pari mangumpisal ku mu patawaran na na ku. Dening katungali, ali ko binang balu.

Ing merapat Amerika't Pilipinas masala nang papalto ing keynan ning ausan dang demokrasya o pamaala ding sabla. Amerika agyang map lang lakwas ding gewang tutunan keng pamanipun gastusan neng alalan, atin pang leting a makatali karing sasaup da ding mapera. O nu mong ing memye pera keng sinambut a tinagal sandata la o bawal lang panulu ding pagmulan ning pera na? Dakal pang et cetera, et cetera.

King maligwang salita ing demokrasya megi yang pangkabyayan a palakad, mipakarok ya pauli kelan nang patas kimut ning capitalism. Nung samasan me sa balamu communism ya ing magi nang katumbas, ngara. Balamu mo megi nalang adwa ding uri ning pamalakad pamaalan. E ne ata apikawani ing pamagabyayan king pamalakad ning pamaalan. Anya patye sasabi lang pangilagan ing politika, magduda o maginala naka. Bisa lang manyolu, pamatakut de ing politikang gagamitan da't kalugalan a ali naman tune apangilagan. Neng agyang ing economics o pamangabyayan politika ya.

Ining salita nining pipasyagan ngeni map mesambitla ne katataulian. Ding eganagana mirinan lang pante pamikatagun makasuyu anting mamuntukan karing lugal. Ing COMELEC a lalto matitibag na ata tune palakad agpang karing sasabyan ning Pun Batas at ning keyang kabaldugan—magi nemu kayang anting bangke ning Bangsa?

King Amerika ketang kamate nang Pangulung Franklin Delano Roosevelt, a elilan nang Harry Truman, ding pilan a pinakat king bayung pamuntuk, ali re petugutan silsulan ban ilako ing pekamumunang babaying kalihim o cabinet secretary. Ali dala naman patanggap ding malwalas isip o broadminded, progressive, o liberal. Metung kareni mumuna yang taung makiburing mamomba anyang ing Hapon ali ya pa susuku agyang king Europe meyari na ing labanan. Ya pin ini king palage ku ing pamagmula ning pamamatakut a inaus dang McCarthyism.

Sukat lang masalak ding nanu mang tatagal at tutuldwan lukluk karing katungkulan. Anya balang dake ning pamaalan matimbang. Babanten la ngan ding telakaran, aliwa mu ding atlung sanga. Ding suli anti ring ukuman mababa sakup ning Supreme Court, Civil Service, COMELEC, pulis, pangkat maki-sandata, Ombudswoman, ding mangalating pamaalan manibatan barangay at aliwa pa, lakwas na ding talaturu o pipagaralan. Neng kasinkatas nanala ning Bulkan Mayon ding casu/pisasabyan at babanten, babawal at sukat ali tagal a makalukluk gubiernu (Devanadera, Ermita, et cetera, et cetera) ngeni mekad ala na pin alalan 2010. Lawen nemu ing misulat atul ning COMELEC kang Governor Padaca, mipalwa nya mata king sakit at mwa ing dalise babaying mamuntukan. "Culture of irritation," kulturang pamamuysit. Masisirang bangsa? Yan ing gera o labanan Pilipinas. Nanu ing pulutan ning Amerika keka Pilipinas?

Ing Mebalung Eleanor Roosevelt metung ya karing timawa at malwalas isip ketang panaun ayta. Pekilaban nala katuliran ding babayi. Pablasang ya at itang mumunang diling cabinet secretary babayi Amerika ali la "token" mu o kunwakunwari at palamuting babayi. Mayap lang mamuntukan ding babayi nung tune lang kakana anting babayi at e la magagamit mung palamuti bang marapat ing nasa ra ding pilan mu. Mayap pang alimbawa ing pakindat-kindat at padilat-dilat nang sadyang punu ning Alaska, Sarah Palin. Tabalu nung nang kabilyan ding uyat na mata at dilang Palin o nung kaburyan na ing depat nang ayta. Ing apansin ding tau kanita, ya pin ngeni ing anting pakarakal Tiger Woods, a ali golf guru, ing maging bunga ning padilat-dilat at pakindat-kindat, karing "ladlad," babayi, o lalaki.

Makanyan man, pagmaragul na sukat ning Pilipinas ing pangababo ning tune rang kaburyan ding malda king pamagtagumpe ning babaying mika-polio, Grace Padaca, ning paring maki mapa lupa, Eduardo T. Panlilio, Mayor Robredo, at pilan pang malinis tinagal alalan. Ali la ginamit o memuunan king keynan ning tau. E ra ginamit ing makayatu nang dake ning katawan da ding tala-alal. Deng agyang maluka la dapot dakal laman at sustansiyang utak at diwa ing makasulung king bye. Ing munikala ku kanita pa ketang talagawang batas ya na kabud ing sasabyan at susulat kung pasibayu ngeni king gintu. Panaun na bang ding sabagal king panyulung ding adwa ming bansa milako na.


[About the author. Aida Tanglao is a U.S.-based Kapampangan Filipino American. She has lived and worked in different communities in Pampanga, Manila, and in Nigeria when the Philippines was under a regime of civil rights suppression. She studied in various public and private Philippine institutions, went to graduate school in Pampanga, and further attended local colleges in the U.S. Proudly, she is a mother of five and a grandmother to eight. Her personal and educational backgrounds provide the impetus for her to reach out and help in instilling cultural, moral, and historical consciousness among her people and in advocating correct child rearing approaches. She has embraced into her motherhood and patriotic obligations working for the Filipino's aspirations to spiritual and human liberation and contentment.]

-Posted: 9:28 AM 12/18/09 | More of this author on eK!
Nextnext