eK! is electronic Kabalen (eksite.com), a web-exclusive Kapampangan journal of ideas

aida tanglao
aida tanglao NGENING INUTUS ning Supreme Court ning Pilipinas a bilangan lang pasibayu ding balota o tally sheets o nanu mang documentus COMELEC maragul ne naman papil lalagen ing Kapampangan king drama na ning politika Pilipinas. Ing gilisak dang tagumpe king pamagwagi ning map at malinis pamalakad sana ding Kabalen king yatu, o yan manganib ya kabilyan.

Nganang Amung ding urna e la makasusi ding ikit dang pilan. Kakarug ya king dening urnang misimpan karing kakampi na't sasakupan ning anak ning papabilang karing votu metagin la. Adwa nala pin banwang atiyu karing kalugalan ding kalaban. Agyang ninung banal santo o santa makananu ya man linis e malyaring misip king marinat a malyaring merapat. Nanu ngeni ing kekatang pangadi, panalangin king Ginu? Neng ining mabilis nang pepasyag ning Supreme Court e ne ata mapakli? Bakit pin bayu ra pigmulan ing bilangan e ra pa depat ing pamagbante at pamamusisi karing urna? Den pamong magbante at talatuki ning Pari mikakawani nala. Ngaku na pen pekamaligwa ing pamananam sama kesa keng lugud at pamisanmetung.

Magmulala ka pa nung bakit masakit tutung maglako pangasakop karing laying miyayalwa? Magmulala ta pa nung bakit asme kalyap ing tune katimawan at demokrasya? Kaluguran taya i Tita Cory, Santa Cory, inaus nang Jaime Cardinal Sin, "You are the Joan of Arc." ngana ketang bisbasan ne anyang tinggap nang tagal yang Presidenti ning Pilipinas banwang 1985.

Ngening maybug yang mate, maputut ing pigmulan nang malinis pamalakad Amung Ed ampo ding Kabalen a minalal at sinaup keya. Ing pangadi tamu ya pin mekad ing lunto ing katutuan sana karing pasibayung bilangan. Nanu man ing e map a merapat e sana magtagumpe. Ing utus ning Ginu yang miral, yang matuki. Miyaslagan tamu ngan sa diwa, ikata ngan Filipinu, bangkanita ding kekatang anak ampon apu atin la pang ulyan a Bangsa. Bangsang ali king takut mabibye at ali alipan ding dakal pera, gintu, ampon matun. Lwid la ring Bayaning linakad king kekatang kalayan! Aring Tarik Soliman. Servillano at Ninoy Aquino. Francisco Maniago. Tita Cory. Hilario. Hizon. Tolentino. At ding meging Ari ning Parnaso, Yuzon, Gallardo, Ocampo!


[About the author. Aida Tanglao is a U.S.-based Kapampangan Filipino American. She has lived and worked in different communities in Pampanga, Manila, and in Nigeria when the Philippines was under a regime of civil rights suppression. She studied in various public and private Philippine institutions, went to graduate school in Pampanga, and further attended local colleges in the U.S. Proudly, she is a mother of five and a grandmother to eight. Her personal and educational backgrounds provide the impetus for her to reach out and help in instilling cultural, moral, and historical consciousness among her people and in advocating correct child rearing approaches. She has embraced into her motherhood and patriotic obligations working for the Filipino's aspirations to spiritual and human liberation and contentment.]

-Posted: 8:28 AM 8/19/09 | More of this author on eK!
Nextnext