eK! is electronic Kabalen (eksite.com), a web-exclusive Kapampangan journal of ideas

aida tanglao
aida tanglao E taya mamalatian ing Paring maluka
E ta sukdan-sukdan talinu na't belwan
Biasa ya, papunta ta pa atyu ne paynawa!
Sugud ne ning Ginu, masakit yang kalaban
Labanan me yan, lebanan mo ring tau
Lebanan me ing Ginu, munta ka impiernu!

Bakit karakal dang bisang tagal
Ya mu kabud ing karelang atakian
Kasi ya ing dakal pagasang miyalal!
Den, ila deng memagsisti keya
Ding sinaup magpasyang tagal ya
Magobra't sumaup lwal ning pisamban.

Maninap ya? Ambisyosu ya?
Maninap ya pin mekad
At ngeni patutuan ne ing keyang paninap.
Ali la kurus at sundang ding keyang gamitan
Nunge katapatan at kasalpantayanan
King kalam at milagru ning Mayupayang Ginu.

Lawen tamu pin kanyan
Ing Indu ning Balayan
Ing sinagip king kekatang kalayan
Mipasno ne't minawa lub
Neng ikit nang atin na
Atyu ne ing malili keya - kang Tita Cory Aquino.


[About the author. Aida Tanglao is a U.S.-based Kapampangan Filipino American. She has lived and worked in different communities in Pampanga, Manila, and in Nigeria when the Philippines was under a regime of civil rights suppression. She studied in various public and private Philippine institutions, went to graduate school in Pampanga, and further attended local colleges in the U.S. Proudly, she is a mother of five and a grandmother to eight. Her personal and educational backgrounds provide the impetus for her to reach out and help in instilling cultural, moral, and historical consciousness among her people and in advocating correct child rearing approaches. She has embraced into her motherhood and patriotic obligations working for the Filipino's aspirations to spiritual and human liberation and contentment.]

-Posted: 10:10 AM 8/5/09 | More of this author on eK!
Nextnext