eK! is electronic Kabalen (eksite.com), a web-exclusive Kapampangan journal of ideas

aida tanglao
aida tanglao "DEEP, IT'S deep, Francis." "That proves that you are on the right side, if they did not do that, you will be on the wrong side." "We are like that too, we make fun of our painful past." "I like 'Purple,' it is like us, like what we experienced in my country in Europe." Ikit ke itan sinabi ning metung magaral, balamu makanini ya: "For the first time I hear this Tagalog language. We are also learning another language, Kapampangan. They have lots of Spanish words. Weird."

Pilan lang salita karing menalbe ampon mikyabe king Zarsuelang "When The Purple Settles."

"Zarsuela," metung yang katayang Kastila. Karing aliwang salitang Kapampangan, "saraswela," karing aliwa pa "sarswela." Nanu ya pin ing tune nang katulid ning "stage play" king Amanung Kapampangan. Akit at abalu ya nung pisausaup yang isipan, ganakan, o panyalugsugan. Balu kung atin, pauli ning alalu la pa ding Kastila maragul naneng dake ning kekatang Kalinangan. Palagwan kune pamung "palage." Palabas, piyalben, malyari la naman? Ing zarsuela, anti yang operetta, metung ya mung uri ning palage. Neng atin yang pamagsalita at tigtigan ampo dalit, rap, opera, katutubung Kapampangan, binsagan neng hip-hopera ning makilalang. "E ya linear, it is a metaplay." Paning mayap makananu kong ayntindyan den? Ing metung Professor Pilipinas, batikan ne karing palage, pero kawangis ku e miya ayakwang agad. Dapot obat ding tuturu na kanu mabilis deng ikwa. Deng linear at metaplay aren kataya lang makasaup lang makataluki king kwentu.

Nung makanyan tapat kasi at mausta itang sinabi nitang metung pang mayap a professor, "E re ayntindyan. Bina yang masulung king kekatang salungsungan balung Malagung Panyulat/Literature." Anya pin mekad ing binye ding lakwas dakal a ukum ning Palanca Memorial Awards, Second Prize ya. Likton de ing Pekamumunang Galal. Ing First Prize, e re limnan, basyu ya. Metung kapalyaryan kegula ra isip ding anak a pilan atiyu Ateneo kanita. Makasakit kanung kapanamdaman ngara ding aliwa. (Kaybat nita ing kilala king Pamipagaral Isagani Cruz, sinulat yang sanese king pipasyagan nung bakit e dapat ini. Tutuki mika-Full Length Play nang First Prize, i Doktor Isagani Cruz yang menikwa. Ali rane likwan basyu ing kalugalan ning First Prize in Full Length Play, Palanca Memorial Awards.)

Bala ku panyunu na ku, ning map a Professor ketang sinabi nang e re ayntindyan o magkasakit lang mintindi karing gawa. Inisip ku mayabang ing kimut o salita ku, ah! ing payabut na pin ning "Purple." Mekad e re tinggap, ngakung minisip. Ren kayang maka-tindang kopya ning aklat Holy Angel University DJNCKS, atin nang misali ngene?

Ali mu sukat apanwalan a ing Palanca Memorial Awards mibabalita ya mabilug Yatu lakwas king saup nining lelangan ning metung Kapampangan Filipino American. Metung pa agyang menasa karing Kabalen balu tang e la maburing manyaling aklat, ining libru, ing kwentu tamung e mapapansin karing karaya nang tune, kening katayid nang Bansa, pagmulalan de't pagaralan. Karing tutuking dake abalu la ding pilan pang sangkan balu ku.

Makanyan man mayayakit ing maragul nang kapasalamatan ning maki-sulat king pamanye nang Galal keya ning Palanca Memorial Awards. Pakamalan neng bina ini. Ing binsagan nang Pulitzer Awards ning Pilipinas mibabantug yang lakwas.


[About the author. Aida Tanglao is a U.S.-based Kapampangan Filipino American. She has lived and worked in different communities in Pampanga, Manila, and in Nigeria when the Philippines was under a regime of civil rights suppression. She studied in various public and private Philippine institutions, went to graduate school in Pampanga, and further attended local colleges in the U.S. Proudly, she is a mother of five and a grandmother to eight. Her personal and educational backgrounds provide the impetus for her to reach out and help in instilling cultural, moral, and historical consciousness among her people and in advocating correct child rearing approaches. She has embraced into her motherhood and patriotic obligations working for the Filipino's aspirations to spiritual and human liberation and contentment.]

-Posted: 10:33 AM 3/26/09 | More of this author on eK!
Nextnext