eK! is electronic Kabalen (eksite.com), a web-exclusive Kapampangan journal of ideas

aida tanglao
aida tanglao Halu-Halo

Makanyan neng yagkas nitang anak kapitna dayang Filipinu, kapitna Amerkanu ing alwalu anyang ikit nang mumuran yelu kalwal mi pisamban ibat sinimba metung Aldo Dumingu kanita Ohio. Mabilis neng iyagkas at makisipit. Haluhalo neng haluhalo ali miya agad aintidyan.

Nanu ya kaya ing snow Kapampangan? Ding Eskimo ampon Inuit dakal la salita king marimla at mesias a danum ayni. Balamu itamung Kapampangan dakal ta salita at yaus king abyas, pale, nase? Sanu ing gamitan ku? Makanyan man buri kung iyapse a maniglo ku keng snow, king pamanayan mi lugal lampas Sacramentu malapit Lake Tahoe atagmuan at apigunamgunaman ku ini.

Snow is like powder coming down from the sky
white, clean, soft, light, fragile, and volatile.
Once it touches the earth it gets and absorbs whatever
it reaches.The white becomes gray or black.
The clean gets dirt.The soft becomes hard.The light gets heavy.
The fragile becomes tough.The volatile becomes permanent.

Snow is just like a baby brought by the stork to a human family. The physical and the social affect them both. Babies could be made or unmade by what surrounds them. The innocent may become permanently ignorant. The sinless become sinful. The tender baby may become hoodlum. Brightness becomes darkness. The fragile becomes shameless. The volatile becomes permanently harmful or helpful—snow turned hard ice by us, its environment, is now capable of hurting us. We make our own monsters.

Kapampangans need some snow to see and recognize darkness from brightness. While seeing for the first time in her four year life a snow covered town, my young apo happily and instinctively created a song, "Snow makes everything beautiful. Snow makes everything bright and shiny. Beautiful, beautiful."

While many of us older people have gotten stuck for some time in a lax-filled lifestyle we often only see the opposite of fresh snow.

Perhaps God needs to make it rain snow in Pampanga and/or elsewhere. And or bring thunder and lightning to the hardened snowed places that have caused the moral meltdown, to wake us all up, distillate and cleanse our souls.

Ning Panwalan Mi?

Ngara ding pilan, retang adwang anak ibat Canada merakap la. Ing ataruk ku king aske nitang metung balita, ali la map nasang bayung sibul anak. Ngana naman ning Bapa ra a mipaintagun Pari at Punu ning Lalawigan Kapampangan, penasakit dala ding anak-anak pa ring memulabug at sinugud ketang silid pipagobran na. Ining masasabing pipasyagan bakit e ra naman isala ing karelang papasyag?

King dalumdum a binang kalat, ali kunala akit ding pibalebale, pipagaralan, ampon pipagsalpantayanan.

Nukarin la ding pengari, ding talaturu, ampon gabe ning katutuan?

Antalu ding pantasan, ding manutak, ampon talinu't pantas watas tala-lalang a pepamanan da ding ninunu ning Indung Kapampangan?

Bangkanita manakit la ding bulag, magsalita lang katutuan ding mengapipi, makaramdam lang pasibayu ding mengaklak: Keng Ka-20 Nang Aldo Ning Eneru, 2009, ding Eganaganang Tau Amerika kayabe nang Meyalal Pangulung Barack Hussein Obama Sumpa la keng Pamagmula ning Pamamaala ning Bansang Amerika. Makanyan kanu We The People ngana ning Pun Batas, den ngan tau ilang sumpa, aliwa mu ing meyalal a pamuntuk

Ketang Unyu, 2007, minuli la ding dakal a Kapampangan ampon aliwa pang Filipinu bangkanita masaya lang makyabe at manakit karing Kabalen magmula keng Bayung Pamanlakad ning Pamaala Kapampangan. Ngeni....? Pilinan te ing masala kesa keng maralumdum?

Ing Pamamalita

Makalungkut ampon pasayangan ing mawawala, mababating at dirinat a gelingan da ding pilan, pauli ning e maustang pamanggamit karing linakad dang mibabo tamung katuliran. Freedom of the Press, Freedom of Speech, Freedom of Expression. Reni atin lang katulid katungkulan antimo ring katungkulan a Manapse king Katutuan, katungkulan maging Patas king Siwalat, Katungkulan maging Tapat. Katungkulan Gumalang king Sarili at Personal dang Biye ding Sisiwalat. Mayap namu ali ku meging Journalist (king pegaralan), nung ali kasakit ku mekad lakwas panamdaman. Ing Pipasyagan matalik deng ginamit ding Fascista king Amlat a pikabalwan. Antimo ri Hitler at Mussolini. Tawli i Ferdinand Marcos at abe nang menutak king Kapanuldwan Pilipinas. Anwaran tamu sa karing mamalita king dinan dang pansin ing ulaga ning karelang katungkulan at dapat king Ketawan. Paulagan ing katuliran dang tanggap katutuan at malino balita ding taung mamasa.

Pamandinat karing Pamisip Balayan

Polluting the intelligence of the people, mipansinan ne ine? O mekad yana pin itang dumbing of the masses sasabyan dang mapalyaring arapat ning media (kayabe ne keni ing aptas/internet)? Neng malambat-lambat na kung mamanigaral karing babasan ampon palage akakit at darandaman karing media at kaybat abalu ku pa ing pemanyapat nang Goebbels ampo ri Mussolini o aliwa pang mangabagsik a menimunu, akutang nung bakit ining lakwas mabayat a makamate king yatung ini ali ya binang mipapansinan. Ing dumbing o ing papayna karing utak ding tau kakadwa ya mu kasikan king pamanlili o pamag-disorient king humanity/ketawan. Akakit king Amlat o Kasalesayan king dening taung, diktadoris mesabi ginamit lang kalaraman ampo gawagawa kanung papelis bangkanita ding tau apatuki dala. Makanyan ya kanu ing Fasista, salitang gewa nang Mussolini. Ing pollution king utak, yang sangkan ding aliwa pang pollution. Maragul yang problema ini.

Anting metung a dake ning ketawan, ali tamu katungkulan sumaup salese karing e mausta? Nung kaluguran tala ding palipi tamu, pamagmasabal ing arapat. Patye manurung tana sepu gulut pati dila at babawal tala ding gagamit karing karelang dilang timawang manapse mausta, kanita kanu tune neng papagmulan ing Fascismu. E tamu abalu keni king ing kasebyan, "ing kapalalwan megawa pauli ning itamu ala tang gewa"?

Patye kanu ing Pun Batas inalwa re at leko re ing Katimawan, kanita masakit neng ibalik ing Kalayan. E ke seryang penintun ya, mipaintagun pin palang ing Charter Change pane nyamung lalto tool of instilling fear o instability, insecurity/kasangkapan ning pamamatakut, keynan, karug. Ali mu Pilipinas malilyari ing makanining pamanaligogo. Mayayakit ini karing dakal a bayung bangsa yatu.

Pamanyumpa Ning Balayan

Ibalik ke keng buri nang Ariaana Huffington, king den anggang American Citizens, voters at ali mekad, kayabe la king Taking of the Oath of Office nang Meyalal Pangulu Barack Hussein Obama keng Ka-20, Aldo ning Eneru, 2009. Anti mu rin, ketang sinumpa ya i Amung Eddie T. Panlilio, dakal kaming minuling Kapampangan Filipinu Amerikanu, pauli ning ing nasa at obrang buri nang marapat Amung Ed pang-eganagana. Pasalamat la ding Kapampangan king atin linto Tau, kalupa nang Amung Ed, Mayor Robredo, Pun Lalawigan Grace Padaca ampo ding abe ra Agyu Tamu!. Ing Kapatiran at darakal pang gugunyat na king pamagbalik ning tune pamaala ding malda. Angang ngeni babalik pa ing milako Katimawan anyang Panaun nang Marcos. Ali ra tambing abalik ding Adwang Edsa. Mausta at mipaltutu ing salita nang John Adams ning Bangsang Amerika, patye inalwa re ing Pun Batas at leko ing Katimawan, masakit ne ining ibalik (o ali ne mibalik ngana pa pin ata). Anya pin masampat mu't karapatdapat king deng anggang tau sumpa la keng Martis, Ka-20 Aldo ning Eneru, 2009 a ibalik ing karelang kalayan at maldang pamaala mabilug Labwad.


[About the author. Aida Tanglao is a U.S.-based Kapampangan Filipino American. She has lived and worked in different communities in Pampanga, Manila, and in Nigeria when the Philippines was under a regime of civil rights suppression. She studied in various public and private Philippine institutions, went to graduate school in Pampanga, and further attended local colleges in the U.S. Proudly, she is a mother of five and a grandmother to eight. Her personal and educational backgrounds provide the impetus for her to reach out and help in instilling cultural, moral, and historical consciousness among her people and in advocating correct child rearing approaches. She has embraced into her motherhood and patriotic obligations working for the Filipino's aspirations to spiritual and human liberation and contentment.]

-Posted: 1:27 AM 1/20/09 | More of this author on eK!
Nextnext