eK! is electronic Kabalen (eksite.com), a web-exclusive Kapampangan journal of ideas

abel d soto
abel soto Maliquid ca, o cayanacan,
lauen mu'ing quecang penibatan.
imulagat mo ring mata mu
at damdam ca qng siualu cu.

E ca susulung, ali ca pa mu,
nung e malino queca ing "napun" mu,
uling e me dasan ing masalang "bucas"
nung e me balicdan ing milabas.

Nanung ulaga na ning "ngeni"
nung e me salangian ing "nabengi"?
Ban canita mas sumala queca
ing tutung cule na ning "alaya."

E ca sana sasauang tatando
qng "napun" na ning galing-aldo.
Ban nung miras ca qng quecang "bucas,"
Ing buntuc mu macaiatna ya't macatas.


[About the author. Abel D. Soto took up his certificatory double major course in Creative Writing and Performing Arts at Centre for Arts Foundation, Inc. in Quezon City. He also finished the Managing the Arts Program at the Asian Institute of Management in Makati City. He is a resident of Bacolor, Pampanga.]

-Posted: 12:16 PM 5/24/09 | More of this author on eK!
Nextnext