Ding anggang capaliarian
parati lang atin
a catuquing capaliarian,
anti nung macananu
ing balang "bengi"
atin yang "abac"
a manenayang quebaitan.
Piguilan me man at sabatan,
lunto ya pa mu rin at lumaban
anggang e ne sambutan
ing mangaina mung pilubluban,
uling ing uagas a capagnasan
yang susubung qng capanayan.
[About the author. Ing sinulat caniting poesia metung ya caring apu ng Juan Crisostomo "Crissot" C. Soto at miembru ne ning Sapni Ng Crissot Literary and Cultural Foundation. Taga-Sta. Ines, Bacolor ya at atlumpulu't lima neng banua edad. Quinangwa yang one-year certificatory double-major course qng Creative Writing at Performing Arts qng Center for Arts Foundation, Inc. at casalucuya' nang paninapan ing aquit neng pasibayu qng entablado ing metung caring peca-sicat a sarzuela nang "Crissot," ing "Alang Dios!"]
