eK! is electronic Kabalen, a web-exclusive Kapampangan journal of ideas

marcial tayag caniones
marcial tayag caniones (Host - H; Miss International - MIT)

(H): Gud morning, friends and likes. Here is another beauty contest. This time with a talent portion, and of course another question and answer portion.

Gud morning, everyone and all. Thank you for visiting the Cyber Beauty Contest Show, subtitled The Beauties of the Planet. Let us all now welcome the first contestant—Ms. International!

Ang babaeng walang sing ganda, ang babaeng natatakpan ng bandana ang mukha, ang babaeng may bigote at mahabang balbas, ang babaeng nagpapasan ng bazooka, ang babaeng mukha nasabugan ng dinamita, ang babaeng pinag-aagawan ng mga Taliban (Tali Me Banana, he, he, hey!)—the one and only Ms. Inartenational!

Ms. International Terrorist.

Hi, miss, what is your favorite color?

(MIT, waving her hands to the public): Hi, every all. Gud morning. Aslam mu like ku (meaning, I like your vinegar in Kapampangan) to every one!

DVD? DVD? BLU RE! BLU RE! CLEER KAPE! CLEER KAPE!

(H): Ms. MIT, bawal po ang magtinda dito.

(MIT): Oh I'm sorry, nabigla lang po ako. Nasanay lang po kasi ako sa trabaho ko. Nagbebenta rin po kasi ako ng kung anu-ano.

(H): Oh I see, our contestant is very enterprising. May we know where your shop is?

(MIT): Kayo talaga sir, simple lang po ang pwesto namin. Nasa Ortigas po.

(H): Oh that's nice. Where in Ortigas? At Robinsons Mall? Or at the Ortigas Business Center? Near Asian Development Bank?

(MIT): Oh no, no, sir. Our location is under the bridge, sa ilalim lang po ng tulay ang paninda namin. Minsan nga po nagkahabulan sa pwesto namin, at sa tataranta at kakatakbo ko ay sumambulat ang mga paninda ko. Galit na galit nga po ako noon sa mga M&M DNA. Buti na lang po bawal sa relihiyon namin ang manakit.

(H): Oh I see. Teka, 'bat M&M DNA ang nanghuhuli? Ano ba ibig sabihin noon? 'Tsaka anong relihiyon mo? Muslim ka?

(MIT): M&M DNA. Meaning, Mandarambong at Manghuhuthut, Dilhensya na Nandugas pa ang Anak ng Buwaya. Dats all, I thank you! And also I am not a Muslim,but I respect their religion and all other religions as well, and all citizens, all colors and all races. Again, I thank you.

(H): Well said. But again, what is your religion?

(MIT): Well, religion? I was raised to love my neighbors as I love myself. For me that is more than a religion.

(H): Aba, aba, matindi 'to ah. You are a very intelligent person, very philosophical, a person with depth.

(MIT): Hindi naman po. Tinuruan lang po kami ng mga magulang ko na huwag magnakaw, magbalik ng sukli, magpa-thank you, magbigay ng galang sa lahat ng tao, magpakumbaba, at maging matulungin.

(H, natulala, bukang bibig na laylay ang baba)

(MIT, biglang humarap sa mga tao at parang maluha-luha na lumapit sa dulo ng stage at tinitignan ang bawat manonood ng pageant)

(MIT): Kayo, ano ang inyong paniniwala? Ano ang inyong relihiyon? Alam n'yo ba ang inyong pagkatao? Kumakain ba kayo araw-araw ng mainit na kanin na may sabaw at kapirasong ulam na hinalo sa plastic? Kumain na kayo ng pansit sa plastic? Uminom ng sopdrinks sa plastic? Uminom ka na ba ng ice water sa plastic? Nagsuot ka na ba ng damit na plastic kapag umuulan? Pumasok ka na ba sa skul na ang bag mo ay plastic? Tumira ka na ba sa ilalim ng Santan na ang bubong ay plastic? Natulog ka na ba sa kalsada na ang dingding ay plastic? Humiga ka na ba sa simyento na ang sapin mo ay plastic? Nasubukan mo na bang maglakad ang saplot mo ay plastic? Nasubukan mu na bang sinuklob sa ulo mo ang plastic hangga't di ka makahinga? Nasubukan mu na bang suminghot ng rugby sa plastic? Umihi na ba kayo sa plastic? Ume... na ba kayo sa PLASTIC???

(MIT, napaluhod at sakmal ng kanang kamay na tikom ang kanyang parang nagsisikip na dibdib, umiiyak, nakayuko)

(MIT, biglang tumingala, tumingin ng parang nanlilisik ang mga mata nang dahan-dahan sa mga manood at biglang nagtanong ng pasigaw, na animo'y ang kanyang boses ay nakakakilabot na tinig na galling sa isang napakalalim na imbornal)

(MIT): Nasubukan... mu na bang... kumain ng... PLASTIC...? Well..., ako hindi!!!

Pero kayo, mga walang pakialam, walang ginawa kung hindi manood ng mga beauty pageant, magkaskas ng pampaputi sa inyong mukha! Magtanggal ng buhok sa inyong mga kilikili! Walang tigil na kakamumog upang bumango ang hininga! Magpalaki ng suso! Magpasikip ng kepyas! Magpatanggal ng nunal! Magpalagay ng nunal! Magpasipsip ng taba sa katawan, magpabatak ng balat sa mukha! Mag-ahit ng balahibo sa binti. Magtanggal ng kilay! Magpalagay ng kilay (permanent)! Magpabrace ng ngipin! Magpakulay ng buho ng pula, ng asul, ng brown, ng yellow! Maglagay ng sari-saring shampoo na pampadulas ng buhok! Pampanipis ng buhok! Pampakapal ng buhok! Pampakulot ng buhok! Pampatuwid ng buhok! Mga PLASTIC, PLASTIC KAYUNG LAHAT!

(H, sinubukang lapitan ang contestant upang alalayan at pahintuin): Lang 'ya naman, nagnakaw na ng eksena ang contestant ng buong show.

(MIT, masama ang tingin at madiing bumigkas ng word for word sa host): Ikaw?... Hindi... mo... ba... ako... tatanungin... kung... what... is... my... motto... in... life?

(H): Shh... shuure. What is your motto in life?

(MIT, biglang gumapang ng mabilis papalapit sa host at inakap ang kaliwang paa nito): My motto in life is... Whatever you do... at least to your brother... you do to me too....

(H, medyo nawiwirduhan na at parang natatakot na, mag-isang pumapalakpak habang unti-unting tumatayo na ang ibang audience at tila papaalis): Yehhey, ang galling po ng contestant no?

(H, Nanginginig na ang boses at parang sumesenyas na humihingi ng saklolo)

(MIT, lalong hinigpitan ang kapit sa paa ng host): Hindi mo ba tatanungin kung ano ang talent ko???

(H, wala na... talagang nginig na sa nerbyos... tila napapaihi pa yata sa takot): Oooo k... okey. Llll... et... us... a... all now give Miss International... a big warm of applause... for her talent in...—Ano po ma'am ang talent n'yo??

(MIT, dahan-dahang tumayo at nagtanggal ng balabal sa mukha): Ladies and gentlemen..., ang talent ko ay... PASABOG!

(Nagtakbuhan bigla ang mga tao papalabas. May naapakan, may natanggal ang sapatos, nagtulakan, nagsisigawan. Tatakbo sana ang host, kaso nahablot ng contestant ang kanyang kamay.)

(MIT): Hoy, mga gaga! Bumalik kayo... dali... ngayon na ako magtatapat... sasabihin ko na ang pasabog!!!

Balik kayo..., ako talaga si.... Hoy, balik kayo..., sayang ang make-up ko...!!! Dali, aaminin ko na kung sino talaga ako....

Yun ang pasabog ko!!! Balik kayo, dali....

(Ang susunod na kwento ay ang "Miss Universe." Itutuloy.)


[About the author. Marcial Tayag Caniones, a Political Science graduate is assistant manager at the Community Extension Services Office of Clark Development Corporation. He was born on the 10th of July in 1965, became vegetarian when he was 24 years old, started serious reading when he was 32, and began writing at 39. He admits to being ugly but claims to ooze with sex appeal.]

-Posted: 5:00 PM 9/25/11 | More of this author on eK!
Nextnext