eK! is electronic Kabalen, a web-exclusive Kapampangan journal of ideas

marcial tayag caniones
marcial tayag caniones KABANG TATALNAN do reng kayang adwang gamat at sinipit dala reng kayang bitis kareng bitis da reng adwang mangaragul a lalaking ditatwan katawan, dildul de ing boting coke king kayang puki anggang atin ya pang tansan. Anyang ene buring sabyan lagyu ing menakas kaya king "area" pikpuk deng masikan king martilyu ing kayang pekamalating daliri king bitis kabang makasipit yang "plice" makatagnan keng dutung a tumpakan ning kama. Misamut ing kayang sipun ampong l'wa king kakagulisak ampong gaga. Alang makaramdam king kayang gulisak uling binusalan deng basan ing kayang asbuk at pegmasking tape deng padurut.

Disiseyis ya pa e Lynn. Kalupa da reng balu yu nang madalas a kwentu, 'bat ya king malaut a probinsya. Sabi da kwanan deng maningat anak ampong magbante keng metung a malating groseriyan. Kaluguran at kabaryu ne pa ing megteks kaya, anya ene megadwang isip na tumakas karela at pulayi king piyer a dadalan na ing kayang mapilan a malan, pantalun, tutbras, tagan a sabun, ampong kinwa nang 2 latang sardinas ketang tukador da. Ganing aldo, alas 4. Pinulandit yang lisungan na ing atbu kabang magtas pa ing migbabang ulap pablabasan na. Maninag pang bagya-bagya ing sala at tatapus nang ditak-ditak ing dalumdum.

*

The land of milk, cheeses, burger, steaks, shakes and chocolates; of evergreens, pines and maples; of deer, squirrels and raccoons—America.

I gained a kilo. Munching pizzas with three different kinds of cheeses and gulping sodas, refill after refill. Meniglo ku rugu. Sayang kasi, first time in my life.

Pitsyur keni, keta, karin. O keta kanung makabackground a atin snow, kaybat ketang atin makasulat Welcome to Pensylvennia. Smile . . . , o wacky . . . , 1, 2, 3, jump! Pepakit de pa kaku makalutang ku kanu king hanggin keng letratu. O keta kanu waitress a maputing Amerikana. Mebisa neman at makapeace sign ya. Kabit ke kanu keng Facebook ku, ada reng kamaganak. Pa-smile-smile-smile ku mu. Masaya karin, masanting. Ita mu pin, eku agyu ing dimla, anggang makagwantis ku pa, anggang makaslag ya pa ing aldo. Mesugat ku arung keng kakapusit sipun. Megisan ing tisyung mangarakal at mangakapal keng bale da reng kamaganak mi. Karin, anggang nokarin atin tissue o napkin king bale da, makapal ampo malambut, two-ply, baka pin cguru three-ply pa.

E pa normal ing tudtud ku ampo utak. Dakal linub king utak ku kabang atsu ku karin. Atin nang saya, dirya, sakit lub, lungkut . . . , samut-samut.

Paynawa ku pa, megparamdam ku mu na mabye ku pa.

Tutung makanyan pala bawu ing isteystsayd, ne? Ing buung Amerika mamawu yang balikbayan box. Atsu king sabun da ita? O king kakanan?

Makalunus ya e Lynn. Iyang tambing kung aisip kadatang ku 'bat Amerika.


[About the author. Marcial Tayag Caniones, a Political Science graduate is assistant manager at the Community Extension Services Office of Clark Development Corporation. He was born on the 10th of July in 1965, became vegetarian when he was 24 years old, started serious reading when he was 32, and began writing at 39. He admits to being ugly but claims to ooze with sex appeal.]

-Posted: 9:04 PM 5/15/11 | More of this author on eK!
Nextnext